Без смеење: Земји каде насмевката може да ве доведе во неволја

Насмевката ги отвора сите врати? Понекогаш не, во зависност од тоа во која земја сте. Русите се сметаат за луѓе кои секогаш се намуртени и кои на почетокот може да изгледаат како климата во некои делови на земјата – екстремно студено. Русите дејствуваат затворено затоа што не им се насмевнуваат на странци баш така, но штом ќе ги сретнете, ќе откриете дека се добро.

Без смеење: Земји каде насмевката може да ве доведе во неволја

Многу Руси, исто како и многу други народи, мислат дека смеењето без причина е едноставно бесмислено и лажно, а понекогаш индикатор за недостаток на интелигенција или на искреност. Таквиот поглед на светот е потврден со групни фотографии, или на деца или на возрасни, бидејќи Русите често не се смеат. Додека на Запад, па дури и кај нас, вообичаено е да се каже „cheese“ (или некои други, покреативни изрази) и сите да се насмеани.

Додека во некои земји насмевката е показател на топлина и почит, на други места може да биде знак на измама и нечесност. Според еден психолог во сиромашните и корумпирани земји, смеењето без очигледна причина предизвикува сомневања за измама. Овој психолог за да ја потврди својата теза направил илјадници фотографии на луѓе во 44 различни земји и ги спореди со економските услови, како и спроведе истражување за тоа како жителите ги доживуваат насмеаните лица на фотографиите. На Германците, Швајцарците, Кинезите и Малезијците, насмеаните луѓе им изгледаа интелигентни, додека во Јапонија, Индија, Иран и Јужна Кореја ги сметаа за поглупави.

Други истражувања покажуваат дека насмевката не мора да значи дека личноста е среќна. Во „среќните земји“ како Швајцарија, Шведска и Норвешка, жителите главно не се насмевнуваат, додека, на пример, Американците, чиј индекс на среќа се намалува, неуморно ги покажуваат сите заби.

Прочитајте кои 7 реченици Русите не ги сакаат.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Ужива кога патува и запознава различни култури, ги сака утринските прошетки во природа, книгите на Стивен Кинг, многу чоколадо и кафе.

Поврзани содржини

Остави коментар