Претходно
Неколку идеи како да го претворите вашиот запуштен балкон во место за уживање
Вашиот балкон не мора да биде место каде што само сушите облека и чувате непотребни предмети. Со малку труд и инвестиција, можете да создадете уникатно катче за уживање во добра книга, вкусно кафе или едноставно одморање од секојдневните обврски. Без разлика дали живеете во стан или куќа, се случува балконите да останат неправедно занемарени. Поради тоа, ви пренесуваме неколку идеи како од балконот да создадете место каде што ќе сакате да поминувате многу време во одмор, дружење и уживање.
Дури и најмалите површини може да се претворат во вистинска оаза. Изберете соодветни цвеќиња, украсете со пастелни бои, додајте мали столчиња или табуретки, дрвена масичка и шарени перници. Тука нема правила од типот „помалку е повеќе“, затоа што сè зависи од вашата желба.
Доколку имате поголем балкон, можете и повеќе да експериментирате со боите и мебелот. Направете пријатна атмосфера со декоративни перничиња и прекривки, а растенијата засадете ги во убави саксии.
Инспирирајте се од природата, а во зависност од желбата, може да изберете или модерно или ретро уредување. Следете го својот вкус, инспирирајте се, разгледувајте фотографии и пребарувајте идеи на Интернет. Така ќе стигнете до уникатно решение со кое ќе се гордеете и едвај ќе чекате да ги повикате пријателите на кафе.
Разгледајте уште идеи на фотографиите подолу…
Погледнете ги и овие 7 идеи како да го претворите вашиот балкон во дневна соба!
