Претходно
Уникатни фотографии од експлозијата на метеорот над Челјабинск
Утрото на 15 февруари сè било замрзнато во Челјабинск, со температура од околу -17 степени Целзиусови, мирно без ветар и без облаци. Бидејќи претходната вечер времето било потопло, тоа утро сите дрвја биле прекриени со лед. Фотографот Марат Ахметјалев решил да ја искористи оваа ситуација за да направи неколку пејзажи од неговото омилено место. Околу 9 часот наутро тој бил на планираната локација во Челјабинск, подготвен да ги направи првите фотографии. 
Како и секогаш, немало ништо необично на небото. Откако направил неколку фотографии од различни агли, тој решил да се премести на друга локација. Во тој момент фотоапаратот му бил насочен кон изгревањето на сонцето.
Одеднаш на небото, буквално од никаде се појавил голем објект. Фотоапаратот за среќа бил насочен во близина на овој непознат објект. Марат на работ на своето око забележал силна светлина и веднаш го свртел фотоапаратот кон него и во моментите кога експлозијата го достигнала својот врв тој направил неколку неверојатни фотографии.
Како што се смирувала ситуацијата, тој продолжил да фотографира. Како резултат ги добил и овие прекрасни и незаборавни фотографии од своето омилено место за фотографирање…
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
