Сирос – идиличен грчки остров за кој се шушка меѓу травел блогерите

Иако не е толку познат како Миконос или Санторини, Сирос во последно време ги освојува симпатиите на травел блогергите и инстаграмџиите кои објавуваат фотографии од нивните патувања.

Сирос – идиличен грчки остров за кој се шушка меѓу травел блогерите

Секој што го посетил ова место, се согласува дека овој остров е толку магичен што е невозможно да се посети само еднаш. Со својот топол шарм, тој ве поттикнува да се вратите повторно за да уживате во совршенството со коешто зрачи ова место.

Сирос има интересна и разновидна историја, а споменат е дури и во Хомеровата „Одисеја“.

Сирос – идиличен грчки остров за кој се шушка меѓу травел блогерите

Планинскиот северен дел на Сирос се вика Апано Мерија, додека рамнините на јужниот дел ги сместуваат повеќето населени места, села и плажи на островот.

Апано Мерија е идеален за истражување: неговите патеки водат до беспрекорни, тешко достапни плажи на островот преку прекрасен карпест пејзаж полн со пештери и мали мостови. Спротивно на тоа, јужниот дел на островот е идеален за возење: неговите поплочени патишта ги поврзуваат селата едни со други, како и Хермополис.

Сирос – идиличен грчки остров за кој се шушка меѓу травел блогерите

Сирос – идиличен грчки остров за кој се шушка меѓу травел блогерите

Неговите одморалишта се карактеризираат со добро развиена туристичка инфраструктура со модерни хотели и убави плажи кои нудат секакви погодности за уживање.

Ниту една посета на овој грчки остров нема да биде целосна без да поминете време на плажа. Сирос има неколку неверојатни плажи, и бидејќи сè уште не е толку туристички популарен како другите места во Грција, тие не се преполни!

Без разлика дали сакате да учествувате во спортови на вода, како што се сурфање и нуркање, да се сончате, да пливате во прекрасните води или само да поминете некое попладне уживајќи во добро кафе, веднаш покрај морето, тука има по нешто за сите.

Сирос – идиличен грчки остров за кој се шушка меѓу травел блогерите

Сирос – идиличен грчки остров за кој се шушка меѓу травел блогерите

Сирос – идиличен грчки остров за кој се шушка меѓу травел блогерите

Сирос има и некои пространи семејни плажи. Врвните плажи ги вклучуваат Галисас, Агатопес и Делфини. Од една страна, Сирос е типичен грчки остров, со оглед на тоа што има многу прекрасни плажи, превкусна грчка храна и ноќен живот. Од друга страна, тука има многу други работи што ќе ви отворат комплетно нови, неочекувани видици.

Плажите во Сирос се чисти, тивки и слободни за употреба. Мештаните се горди на својот остров, и работат да го задржат непроменет, ослободен од трговскиот развој. Сите патишта, улици и плажи се секогаш тивки и мирни, храната е богата и превкусна со многу свеж зеленчук и ароматично сирење.

Мачките ги украсуваат улиците, а мирисот на цвеќе и маслиново масло веднаш ќе ве опушти и ќе ве натера да се чувствувате релаксирано.

Затоа, овој остров е одличен избор ако сакате одмор кој гарантира хармонија и убава природа, без бучава, загадување и комерцијално претерување.

Сирос – идиличен грчки остров за кој се шушка меѓу травел блогерите

Сирос – идиличен грчки остров за кој се шушка меѓу травел блогерите

Сирос – идиличен грчки остров за кој се шушка меѓу травел блогерите

Прочитајте и за грчкиот остров на којшто жените се главни.

Автор: Ана Ќурчиевска


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар