Претходно
Креативни табуретки и други рачни изработки: Интервју со @sofka_dizajn (+ ПОДАРОК)
За да му додадете магија и удобност на вашиот дом, денес решивме да споделиме со вас едни интересни креации во кои сигурно ќе се вљубите на прв поглед. Уживајте во интервјуто со @sofka_dizajn, а не заборавајте и да го заследите нашиот профил на Инстаграм каде што ве очекува подарок!
МОЖНОСТ ЗА ПОДАРОК!
Ver esta publicación en Instagram
1. Како се роди идејата за @sofka_dizajn? Кој стои зад овој уникатен бренд?
@sofka_dizajn е семејна и топла приказна, создавана со многу љубов и емоција. Идејата, напорната работа и посветеноста постои од многу одамна. Но, целата реализација како официјален проект се оствари токму оваа година и покрај сите предизвици. Љубовта кон рачните изработки ја наследив од мојата покојна мајка, па така одлучив нашиот бренд да го носи нејзиното име. Така @sofka_dizajn добива една непроценлива, семејна вредност. Позади целиот овој проект стојат една креативна мајка и уште покреативна ќерка.
Ver esta publicación en Instagram
2. Колку време ви одзема една креација? Освен табуретките, што друго изработувате?
Секоја креација одзема различно време за изработка, што зависи од деликатноста и големината. Пуф табуретките ги изработуваме од 2 до 3 дена и опфаќа еден цел процес од различни фази. Од избор на конец, до боја, шиење, полнење на внатрешноста, завршно шиење, па се до пакување за достава. Целиот процес бара многу посветеност и внимание. Но, едно е сигурно – секој производ го работиме со многу љубов. Тоа нашите клиенти го препознаваат и почитуваат, што е од огромно значење за нас. Покрај табуретките, изработуваме килими, декоративни подметнувачи, мини подметнувачи за кафе и женски ташни. Но, креативноста нема граници, па можеби наскоро ќе изненадиме и со нови рачни изработки. Затоа, топло ви препорачувам да ја следите нашата работа.
Ver esta publicación en Instagram
3. За каква сѐ намена може да се употребуваат табуретките? Во какви простори најдобро се вклопуваат?
Табуретките се декоративни, но може да се користат и за седење. Оние со најголеми димензии се користат и како масички за декорација. Може да се вклопат буквално во секоја просторија, од спална до дневна, па до тераса. Пуф табуретките се детаљ кој дава навистина посебна убавина и топлина во домот. Современите домаќинства секогаш бараат некоја автентичност што ќе му даде карактер на просторот – нешто што ќе донесе посебна свежина. Нашите рачно изработени пуф табуретки дефнитивно ја имаат таа магија и моќ.
Ver esta publicación en Instagram
4. Какви материјали користите за креациите? Имате ли омилено парче кое ви е особено драго што сте го изработиле?
За изработка користиме материјал кој е изработен од 90% памук. Тоа овозможува лесно чистење на табуретките, што од практичен аспект е многу значајно. Од истиот материјал се изработени и килимите за кој е дозволено и машинско перење на 30 степени. Секој производ си има своја приказна и во изработката на секоја креација вложуваме подеднакво емоција и љубов, затоа што секое парче е уникатно. Но, сепак, емотивно сме поврзани за првата изработена табуретка која беше направена многу одамна и сосема спонтано, за на крај да биде и наше „прво дете“. Од таму започна нашата успешна приказна.
Ver esta publicación en Instagram
5. Каква е заинтересираноста за вашите изработки? Дали луѓето купуваат? Имате ли планови за изработка и на други предмети од овој тип?
На наше огромно задоволство, можеме слободно да кажеме дека имаме голем број на клиенти и секој од нив за нас е многу значаен, бидејќи секоја нарачка и секој дом си има своја приказна. Така нашето семејство од ден на ден расте со нови пријатели, кои ни дозволуват со нашите производи да бидеме дел од нивното секојдневие. А ние сме многу горди на довербата која ни ја дава секој од клиентите, бидејќи со нашите изработки придонесуваме да разубавиме нечиј простор. За креативни идеи и новитети никогаш доста. Во план имаме неколку нови производи секако – рачна изработка, за кои се надеваме дека ќе ви се допаднат.
Ver esta publicación en Instagram
6. Каде можат да ве контактираат сите оние кои се заинтересирани за нарачки?
Сите заинтересирани може слободно да нè контактираат на нашиот Инстаграм профил @sofka_dizajn, каде ќе добијат подетални информации околу нашите производи и секако може да направат нарачка.
Ver esta publicación en Instagram
7. Подметнувачите за кафе кои ги креирате откриваат дека сте љубители на кафето. Кое е вашето омилено кафе и омилен дел од денот за кафе пауза?
Дефинитивно сме љубители на кафето. Уживаме во утринското црно кафе. Попладневната кафе пауза ни е омилен дел од денот. На здравје за уште многу топли, успешни и заеднички приказни!
Ver esta publicación en Instagram
