Ќе се изгради првиот бесконечен базен во светот на кров од зграда, со панорамски поглед од 360 степени

Доколку сте љубители на височините и базените, овој спој на компанијата Compass Pools многу ќе ви се допадне. Неодамна тие го најавија нивниот базен со поглед од 360 степени наоколу, којшто ќе биде поставен на кровот на облакодер во Лондон.

Ќе се изгради првиот бесконечен базен во светот на кров од зграда, со панорамски поглед од 360 степени

Зградата Infinity London ќе биде првата во светот што ќе го инкорпорира овој неверојатен дизајн на базен. Базенот ќе се простира на врвот на 55-катен облакодер кој ќе им овозможува на пливачите да лебдат 200 метри над лондонскиот хоризонт и непречено да уживаат во градот.

Од компанијата велат дека базенот ќе биде направен од лиен акрил наместо од стакло. Овој материјал е избран внимателно бидејќи има слична бранова должина со водата, што ќе овозможи базенот да изгледа сосема провидно. Понатаму, базенското дно исто така ќе биде транспарентно, па луѓето внатре во зградата ќе можат да уживаат гледајќи ги пливачите високо над своите глави.

Ќе се изгради првиот бесконечен базен во светот на кров од зграда, со панорамски поглед од 360 степени

Сигурно се прашувате од каде ќе се пристапува до овој базен. Од компанијата објаснуваат дека пливачите ќе можат да влезат во базенот преку ротирачки спирални скали коишто ќе бидат поставени на влезот на „подморницата“, и ќе се искачуваат нагоре кога некој ќе сака да влезе или излезе од базенот.

Но, ова не е единствената уникатна технологија што ќе биде применета при изградбата на базенот. Дизајнерите пронашле начин да се осигурат дека водата нема да се распрскува надолу на улиците. За таа цел тие вклучиле вграден анемометар кој ќе ја следи брзината на ветрот. Тој е поврзан со компјутерски контролиран систем кој исто така ќе се грижи и за температурата на водата.

Ќе се изгради првиот бесконечен базен во светот на кров од зграда, со панорамски поглед од 360 степени

Компанијата се погрижила базенот да не биде уживање само за пливачите, туку да изгледа неверојатно и самиот по себе.

„Базенот е опкружен со цел спектар на светла кои навечер на зградата ќе ѝ даваат изглед како да има светкав скапоцен камен на врвот“, изјавуваат од Compass Pools.

Ќе се изгради првиот бесконечен базен во светот на кров од зграда, со панорамски поглед од 360 степени

„Архитектите често ни се обраќаат за да дизајнираме бесконечни базени на кров, но ретко имаме можност да придонесеме во дизајнот на зградата бидејќи базените се обично последната работа на којашто се мисли“, вели техничкиот директор Алекс Кемсли.

„Но, за овој проект, всушност прво почнавме да размислуваме за дизајнот на базенот и потоа се запрашавме ‘Како сега да поставиме зграда одоздола?’“

Кемсли ветува дека овој уникатен базен ќе ги надмине очекувањата на сите.

Точниот датум за изградба сѐ уште не е утврден, но ако нештата се одвиваат по планот, би можело да се започне во 2020. Локацијата исто така треба да се потврди.

Ќе се изгради првиот бесконечен базен во светот на кров од зграда, со панорамски поглед од 360 степени

Погледнете ги овие 15 фотографии од Лондон кои прикажуваат како изгледал пред да стане големиот град што е денес.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар