Најдолгото патување со автобус во светот трае 56 дена!

Најдолгото патување со автобус во светот трае 56 дена!

Индиска компанија специјализирана за необични експедиции, Adventures Overland (Копнени авантури) го организира најдолгото патување со автобус во светот. Станува збор за 56-дневно патување за 30 патници кое започнува на 7 август годинава во Истанбул, а завршува на 1 октомври 2023 година во Лондон.

Најдолгото патување со автобус во светот трае 56 дена!

Патувањето од 12.000 километри ги носи патниците низ 22 земји – од Истанбул преку Балканот и Источна Европа, Скандинавија и Западна Европа до главниот град на Англија. Иако на прв поглед овој аранжман не изгледа толку атрактивен, Adventures Overland организира луксузна турнеја вредна околу два милиони индиски рупии или нешто помалку од 23.000 евра.

Луксузниот пакет вклучува појадок, 30 ручеци и вечери и сместување во хотел за време на патувањето во двокреветни соби. Во цената е вклучено и патување со ферибот на Финскиот залив и крстарење по норвешките фјордови.

Adventures Overland тврди дека патниците ќе патуваат со специјален луксузен автобус кој е дизајниран за удобно патување на долги релации. Опремен е со прилагодливи седишта со доволно простор за нозете, послужавник за преклопување и држачи за шишиња и чаши. На секој патник му е дозволено да земе два големи куфери со себе.

Најдолгото патување со автобус од Истанбул до Лондон е еден вид верзија на постар аранжман кој вклучувал патување од Индија до главниот град на Англија, а патувањето требало да се одвива низ земји како што се Кина, Мјанмар и Русија, кои во меѓувреме се затворени за посети. Затоа организаторите решиле да ја сменат рутата.

Според Гинисовата книга на рекорди, моменталната титула за најдолго патување со автобус ја носи перуанската компанија Ormeño, која организира рута долга 6.200 километри помеѓу Лима, (Перу) и Рио де Жанеиро (Бразил). Патувањето со автобус трае 102 часа или нешто повеќе од четири дена.

Откако прочитавте за најдолгото патување со автобус, можеби ќе сакате да прочитате и како еден британски пар создал прекрасен дом од лондонски автобус.

Извор: punkufer.dnevnik.hr


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар