Претходно
Футуристичка луксузна јахта која нуди рајска пловидба
„Jazz“ е 90-метарска луксузна јахта, дизајнирана од страна на лондонската архитектонска компанија Zaha Hadid, во соработка со германската бродоградителска фирма „Blohm+Voss“. Екстравагантната внатрешност е соодветна за секој кој сака да патува по море, во луксузно живеалиште, за да доживее несекојдневно искуство.
Цврстата надворешност имитира оклоп на инсект или раковидно животно, што претставува знак на архитектонска сила, пријатна е за око и футуристичка според концептот. Внатрешноста на суперјахтата е една бескрајна белина, со минималистички додадени елегантни дрвени површини. Облините и дупките кои ги има надворешноста, се исто така нагласени и во внатрешноста. Серијата јахти „Jazz“, се состои од вкупно пет луксузни и уникатно дизајнирани јахти, а освен оваа, останатите четири се во изградба.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
