Најдобрите места за пливање

Летото е одличен период за истражување на најразлични локации за пливање. За момент заборавете ги конвенционалните плажи и замислете како би било да пливате под водопади или во некој национален парк.

Најдобрите места за пливање

Водопадите Хавасу во Аризона

Скалестите водопади Хавасу, високи повеќе од 36 метри, се влеваат во реката Колорадо на дното од Големиот Кањон во Аризона. Во август 2008 година, заради силните врнежи од дожд браната на овие водопади се распука, а локалното индијанско население беше евакуирано. Оттогаш водопадите се повторно отворени за туристи, но ако сакате да запливате во тиркизните води на Хавасу, ќе мора да пропешачите 16 километри под жешкото сонце на Аризона.

Најдобрите места за пливање

Реката Мерсед во Националниот парк Јосемити

Реката Мерсед се наоѓа на источниот крај на долината Јосемити, во истоимениот национален парк кој е под заштита на УНЕСКО. Пливањето во оваа река е незаборавно доживување, но внимавајте на водопадите и брзаците затоа што во нивна близина пливањето не е дозволено. Ако сакате да запливате во Мерсед, користете ги песочните плажи како единствен влез и излез од реката, за да не дојде до нарушување на екосистемот.

Најдобрите места за пливање

Паркот Блу Спринг во Флорида

Паркот Блу Спринг, кој се наоѓа во Флорида, е засолниште за западноиндискиот ламантин (вид морска крава). Температурата на водата тука достигнува до 72 степени и останува константна во текот на целата година. Заради заштита на ламантините, паркот е затворен за секакви водни активности од средината на ноември до почетокот на март. Во преостанатиот период од годината, посетителите може да пливаат во топлата и кристална вода или да уживаат во кајакарење или нуркање.

Најдобрите места за пливање

Водопадите Рич во Јамајка

Скалестите водопади Рич се наоѓаат во областа Порт Антонио, во Јамајка. Тие се едни од најчесто употребуваните водопади во рекламите за промовирање на туризмот и привлекување на туристи. Извирајќи од најголемата планина во Јамајка, водопадите Рич скалесто завршуваат во смарагдно – зеленото езерце кое е одлично место за пливање, но и за водна масажа.

Најдобрите места за пливање

Езерото Дуду во Доминиканската Република

Езерото Дуду, познато по тоа што содржи подземни води, се наоѓа на северниот брег од Доминиканската Република, во близина на градот Нагва. Сместено во долниот дел од 20-метарските карпи, до кои се стигнува преку стрмни скали, кристалното сино езеро е изолирано од јавноста. Дуду е одлично место и за нуркачите кои сакаат да ги истражуваат подземните пештери или да се обидат да ја измерат длабочината на езерото.

Најдобрите места за пливање

Паркот Слајд Рок во Аризона

Слајд Рок паркот во близина на Седона, во Аризона, го добил своето име според природната вода која со својот тек го обликувала песочникот на кањонот. Тука посетителите може да да се лизгаат по водата, да одат или да пливаат. Паркот е особено популарен во летниот период, кога сите слободни места се пополнети уште во раните утрински часови.

Најдобрите места за пливање

Езерото во Цибилчалтун во Мексико

Цибилчалтун е археолошки локалитет на Маите кој се наоѓа мексиканската сојузна држава Јукатан. Туристичката понуда за Цибилчалтун, освен Храмот на седумте кукли и урнатините од шпанската црква од 16-от век, го вклучува и малото езеро кое локалните жители го користат во текот на целата година. Турата опфаќа обиколка на езерцата кои се протегаат од Мерида до Канкун. Се проценува дека оваа област има околу 30.000 езерца од кои само неколку десетици се отворени за јавноста.

Најдобрите места за пливање

Сините дупки на островот Андрос

Островот Андрос е најголемиот од Бахамските острови и е дом на сини дупки кои се наоѓаат во океанот и во внатрешноста на островот. Ваквиот систем на водни пештери е забележан уште во 1970 година, од страна на магазинот National Geographic. Сините дупки најмногу се истражувани од експедицијата на Жак Кусто. Тие се дел од екосистемот на Бахамите и се одлични места за пливање и нуркање.

Најдобрите места за пливање

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот

Поврзани содржини

  1. Ton Reply

    Добра статија, ама имам забележано општ тренд кај скоро сите македонски портали. Место да објавуваат работи поврзани со Македонија, објавуваат работи кои, иако се интересни, не се баш допирливи за просечните граѓани на Македонија.
    Искрено, кликнав на линков поради тоа што мислев дека се работи за локации внатре во државава, и се надевав дека ќе се најде некое место што е доволно блиску до мене, и доволно евтино, за да отидам.

    Како што кажав, немам ништо против статијава, ама не би било лошо повремено да се објавуваат статии кои се релевантни и за нас, обичните смртници.

    Срдечен поздрав.

Остави коментар