Претходно
10-те најдобри фризури за почетокот на новата година
Без разлика дали сакате целосна трансформација или само блага промена, декември е совршеното време да го изведете тоа. Не само што во новата година ќе влезете со нови одлуки и планови, туку вие ќе почнете и со сосема нова фризура. Одличен почеток, зар не? Погледнете ги следниве 10 познати ѕвезди кои исто така решиле да ја дочекаат новата 2016-та година со нов изглед. Нека тие бидат вашата инспирација за промени…
Дакота Џонсон
Бушавата коса со шишки која е малку осветлена е одлична за оние дами кои немаат време постојано да се фенираат и не сакаат секое влакно да биде на своето место.
Рејчел Мекадамс
Кратката боб фризура со степени која се движи по линијата на лицето е одлично освежување за оние дами кои долго време имале едноставна фризура.
Алесандра Амброзио
Оваа убавица пријатно ги изненадила сите со својата нова фризура која може добро да стои на скоро секој вид лице. Наш предлог е да не ја исправувате, туку да ја оставите да биде немирна.
Џорџија Меј Џегер
Доколку сте љубители на долгата коса, погледнете го примерот на оваа прекрасна манекенка која ги тргнала шишките на страна, а својата коса ја пуштила слободна да паѓа врз нејзините рамена.
Сијара
Здравата и сјајна коса постојано е во мода, па доколку сте од оние дами кои не сакаат големи промени, тогаш само скратете ги расцветените врвови и исфенирајте ја вашата коса.
Хана Бен Абдеслем
Сакате голема промена за вашата рамна коса? Оваа модерна боб фрузура со шишки е најдобар избор за вас. Таа не само што ќе привлече внимание, туку и ќе ве подмлади и освежи.
Гвинет Палтроу
Гвинет не сака изненадувања и големи промени, но таа секогаш има чиста, сјајна, уредна и класична фризура која одговара за сите пригоди.
Кери Малиган
Оваа фризура е многу женствена и модерна, па затоа и не постои ниту една причина зошто да не ја дочекате новата година со неа.
Џенифер Лоренс
Ова е можеби најдобриот изглед на младата актерка, која е секогаш во чекор со најпопуларните трендови.
Миранда Кер
Уште една сјајна варијација на долгиот боб и уште еден одличен предлог за оние дами кои сакаат суптилни промени…
