Претходно
Ова се најздравите раси кучиња во светот
Исто како луѓето, и некои раси кучиња можат да бидат подложни на разни болести. Одредени раси може да бидат генетски повеќе склони кон болести како што се рак, срцеви заболувања, проблеми со крзното или алергии. Не може со сигурност да се каже дали кучето ќе развие некои здравствени проблеми во текот на животот или не, но некои раси се сметаат за поздрави од другите. Овие пет раси кучиња обично имаат подолг животен век и не се подложни на одредени здравствени состојби.
1. Мешани раси
View this post on Instagram
Мешаните раси се сметаат за најздрави кучиња и најотпорни на болести. Кучињата од мешана раса обично не се со педигре, но можат да наследат и добри и лоши одлики од своите родители од различни раси. Бидејќи кучињата од мешана раса имаат исклучително широк генски фонд (за разлика од расните кучиња), тие имаат помала веројатност да наидат на наследни или генетски нарушувања. Како и кај сите раси, сепак, и кај овие кучиња може да се појават дебелина, срцеви заболувања и дијабетес.
2. Белгиски овчар
View this post on Instagram
Овие кучиња живеат 10-12 години и не страдаат од некои поголеми здравствени проблеми. Белгискиот овчар може повремено да страда од дисплазија на лактот, прогресивна атрофија на мрежницата, хемангиосарком и катаракта.
3. Сибирски хаски
View this post on Instagram
Во споредба со другите раси по својата големина, сибирските хаски се меѓу најздравите. За време на својот живот, кој обично трае од 11 до 13 години, овие кучиња може да имаат здравствени проблеми како што се прогресивна атрофија на мрежницата, хипотироидизам и катаракта.
4. Бордер коли
View this post on Instagram
Припадниците на оваа раса живеат помеѓу 10 и 14 години, а здравствените проблеми што можат да влијаат на нив се претежно ненадејни напади и хипотироидизам. Ова куче ќе биде најсреќно и најздраво ако се движи многу и ако поминува многу време на отворено.
5. Чивава
View this post on Instagram
Припадниците на најмалата раса во светот се исклучително лојални, интелигентни и спаѓаат во најздравите раси. Тие можат да живеат до 18 години, а нивното здравје може да биде нарушено од болести на кои се генетски склони, како што се хипогликемија, дислокација на зглобовите и аортна стеноза. Бидејќи се многу мали, овие кучиња не бараат многу физичка активност.
Прочитајте кои 7 раси кучиња секогаш предизвикуваат воодушевување со својата убавина.
