Претходно
Мини питички со печурки за мрзливите гурмани
Брз рецепт што ќе ги задоволи сите ваши сетила!
Потребни состојки:
- 350 грама брашно
- 400 грама путер
- 1 јајце
- 1 жолчка
- 20 грама сол
- 200 грама шампињони
- 400 грама мешани печурки по ваш избор
- 200 грама кромид
- 2 чешниња лук
- 100 грама изрендан пармезан
- 0,5 грама црвен пипер
- 1 гранче свеж магдонос
Начин на подготовка:
Замесете го тестото за питичките со брашното, 250 грама од путерот, јајцето, жолчката и 10 грама сол.
Поставете го тестото на парче проѕирна фолија, па прекријте го со друго парче и потоа развлечете го сè дур не дојде на дебелина од 3-4 милиметри. Намачкајте ги калапите со големина од 8-11 сантиметри со путер (околу 50, 60 грама), и исечкајте го тестото на парчиња што ќе бидат околу 2 сантиметри поголеми од калапот. Пополнете ги калапите, покријте со алуминиумска фолија и печете 15-тина минути на 180 степени.
Во меѓувреме, тенко исечкајте ги кромидот и лукот, како и печурките. Пропржете ги на путер, и потоа зачинете со солта и црвениот пипер. Извадете ги питичките од рерна, тргнете ја алуминиумската фолија, ставете го сосот што го добивте и вратете ги во рерна на уште 4-5 минути.
Пред послужување просипете пармезан и декорирајте со листови свеж магдонос. Добар апетит.
А можеби би сакале да ги пробате и овие печени домати со спанаќ и сирење?
