Претходно
Рецепт за крофни: Идеален за почетници!
Сигурни сме дека крофните се омилената ужинка на многумина од вас. Во продолжение ви споделуваме едноставен рецепт кој е погоден особено за почетници во кујната.
Потребни состојки:
- 700 грама брашно
- 2 јајца
- 50 грама свеж квасец
- 50 милилитри масло
- 200 милилитри млеко
- 1 кафена лажичка сол
- 1 лажица шеќер
- рендана кора од портокал или лимон
- масло за пржење
- шеќер во прав за посипување
Начин на подготовка:
1. Во длабок сад се става брашното и се додаваат јајцето, маслото, млекото, солта, шеќерот, ванилиниот шеќер, кората од портокал и издробениот квасец. Добро измешајте и замесете помеко тесто. Внимавајте тестото да не се лепи, покријте го со крпа и оставете го да нарасне околу еден час.
2. Кога тестото ќе нарасне, извадете го на работната површина на која претходно сте посипале брашно и поделете го на два дела. Еден дел развлечете го со сукало и со чаша направете кругови. Постапката повторете ја и со другата половина од тестото, па оставете ги крофните да отстојат уште дваесетина минути.
3. Во длабока тава загрејте поголема количина масло и полека додајте ги крофните да се пржат на средна температура. Доволни се неколку минути од двете страни. Кога ќе бидат готови, оставете ги на салфетка да се исцедат, а врз нив посипете шеќер во прав. На здравје!
Откако го прочитавте рецептот за крофни, можеби ќе сакате да го прочитате и овој рецепт за посни крофни со шлаг.
Извор: citymagazine.danas.rs
