Брзото возење велосипед го зголемува животниот век

Сите сме свесни дека возењето велосипед е одличен метод за слабеење и одржување на телото, но најновите истражувања докажале уште еден бенефит од овој вид вежбање. Имено, се докажало дека не се важни само поминатите километри, туку и интензитетот со кој возите.

Брзото возење велосипед го зголемува животниот век

Истражувањето е направено на велосипедисти од Данска, а покажало дека мажите кои возат брзо и со јак интензитет живеат 5,3 години подолго, додека пак мажите кои возат со нормална брзина живеат за скоро 3 години подолго од оние кои возат бавно. За женските велосипедисти истражувањата покажале дека оние кои возат брзо живеат скоро 4 години подолго од оние кои возат бавно, а оние кои возат нормално 2,2 години повеќе од нив.

Ова истражување го спровел професорот Питер Шнор од Европскиот совет за кардиологија, кој го споредувал здравјето на велосипедистите со нивните резултати од возењето. Велосипедизмот се покажал како спорт кој ја намалува смртната стапка во целина, најизразено намалувајќи ги коронарните срцеви заболувања. Според најновите препораки, најмалку 30 минути физичка активност секој ден, го намалува ризикот од срцеви проблеми. Брзите велосипедисти кои поминуваат не повеќе од еден час на ден на својот велосипед, имаат најголеми шанси да избегнат какви било смртни заболувања.

„Овие истражувања покажуваат дека секојдневната физичка активност треба да е енергична, зависно од индивидуалната перцепција колкав интензитет е доволен. – вели професорот“

Брзото возење велосипед го зголемува животниот век

Добиените резултати биле презентирани на конгресот на Европската заедница за кардиологија одржан во Париз, а во истражувањето биле земени предвид и други фактори за велосипедистите, како што е пушачката навика, телесната тежина, консумирањето алкохол и медикаменти и крвниот притисок. Најдраматично сознание било намалувањето за 82% на ризикот за срцев удар кај двата пола, доколку секојдневно возат барем 30 минути со брзо темпо. Ризикот за смртни заболувања бил намален за повеќе од 50% за брзите велосипедисти кои возат од 30 до 60 минути дневно, додека оние кои возат со нормална брзина ризикот го намалуваат за 33%.

Според Шнор невозможно е да определите колку време е потребно за да се помине одреден пат, кој ќе треба да се извози со брзо темпо.

„Ние не очекуваме 80-годишен човек да вози како 20-годишен. Важно е вие самите да си го процените максималниот интензитет, кој малку ќе ве остава без здив.“

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

  1. oli Reply

    ako se bapnes u nekoja kola duri togaj ke ti e produzen zivotot

  2. владо Reply

    Ooo,kakvi li sporedbi?????vozam velosiped okolu 45god itoa intenzivno so zabrzano tempo,na dolgi relacii,i se 4uvstvuvam kako da imam 20 god,dodeka vozam sum sreken,imam 56god i vo odli4na kondicija sum blagodarenie na sportot…

  3. Simona Reply

    Bravo, epten mi se svigaa statijata! Zatoa holangjanite se vo top forma na stari godini :)

  4. renata Reply

    E taka bas da si znaete!!!!!

  5. Žika Reply

    Pred da počnam so vozenje na velosiped,vo mesecot moraše barem tri pati da imam glavobolki,aritmija otčukaite mi bea 95 vo miruvanje.E toa se sredi so eden dobar velosiped i našite planini koi gi imame vo izobilije,samo što ne znaeme da gi iskoristime,velejči nemam vreme ne možam se umoriv i poa bilo samo vo našite virusirani glavi.Za nas glavem problem se kompljuterite,socialnite mreži bez niv ne možeme da živeeme?Seto toa e virus koj mnogu brzo se lekuva,so pešacenje vo priroda,vozenje velosiped i drugi sportovi za koi nemame vreme.

  6. Мартин Глувиќ Reply

    ja od brzo pobrzo vozam nedaj boze na motor da se kacam 😀

Остави коментар