Најубавите приватни острови во светот

Ако имате многу пари и голема желба да побегнете од урбаниот живот, тогаш купување, изнајмување или барем посета на приватен остров е добра опција. На некои од нив сопствениците веќе изградиле туристички центри, а некои се добро сочувани и претставуваат рај на земјата. Ова се најдобрите од нив.

Гуана

Гуана е мал приватен остров кој припаѓа на Британските Девствени Острови. На само 3,4 квадратни километри има планини, ридови, пешачки патеки и седум прекрасни егзотични плажи со бел песок. Гуана важи за рај за нуркачите, чии три корални гребени се големо искушение за нив.

Најубавите приватни острови во светот

Емералд Кеј

Емералд Кеј е дел од островите Туркс и Каикос. На него е изграден суперлускузен туристички центар, составен од шармантен замок чии делови се разделени со канали од тиркизното Карипско Море, а поврзани со спектакуларни мостови. Може да се купи за 48 милиони долари.

Најубавите приватни острови во светот

Софител Моту

Софител Моту е еден од рајските острови Бора Бора. На неговите падини и над водата се изградени луксузен спа-центар, хотели, бунгалови и базен.

Најубавите приватни острови во светот

Мотукаваити

Престојот на ова островче е многу пријатен со оглед на тоа што на него нема никакви инсекти, а во бистрата вода најчесто можат да се видат делфини. Се наоѓа во близина на Нов Зеланд во архипелагот Кавали.

Најубавите приватни острови во светот

Енталула

Бели песочни плажи, карпи во кои плиска тиркизниот океан, пештери, заливи и неверојатни нуркачки локации се одлика на беспрекорниот приватен остров Енталула. Тој е дел од Филипините, а се наоѓа во провинцијата Палаван.

Најубавите приватни острови во светот

Тртл Ајленд

Ако знаете дека на овој остров е снимен филмот „Сината лагуна“, тогаш ви е јасно за каков егзотичен рај се работи. Феноменалната природа на овој остров во форма на желка може да биде изнајмен за 275.000 долари за седум ноќи. Се наоѓа во близина на Фиџи.

Најубавите приватни острови во светот

Дајмонд Кеј

Дајмонд Кеј е сместен во близина на Хондурас. Припаѓа на вториот најголем корален гребен во светот, што го прави перфектно засолниште за многу егзотични морски видови и место на кое нуркачите не можат да му одолеат. Има неколку колиби кои им се издаваат на туристите за високи цени.

Најубавите приватни острови во светот

Балисо

Балисо е дел од територијата на Сент Винсент и Гренадин, а го носи епитетот „Пепелашка од Гренадините“. Се верува дека познатиот пират Црнобрадиот во осумнаесеттиот век често застанувал на овој остров. Оние кои мислат дека сè уште имаат шанса таму да најдат некое богатство скриено од него, можат да го купат за 30 милиони долари и да проверат.

Најубавите приватни острови во светот

Некер Ајленд

Приватниот рај на англискиот бизнисмен сер Ричард Бренсон е во негова сопственост од седумдесеттите години на минатиот век. На него е изграден неверојатен туристички комплекс опкружен со колоритен корален гребен и разновиден морски животински свет. Еднонеделно уживање таму чини 330.000 долари.

Најубавите приватни острови во светот

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар