ТВ серија: Легенди (Legends)

ТВ серија за мистериозниот живот на тајниот агент Мартин Один

1-tv-serija-legendi-legends-www.kafepauza.mk_Главни улоги: Шон Бин, Али Лартер, Тина Мејџорино

Жанр: акција, криминалистика, драма

Креатор: Хауард Гордон

Премиера: 13 август 2014

Број на сезони: 1

Времетраење: 60 минути

Јазик: англиски

Наша оценка: 9

Ваша оценка: 1 ѕвезда2 ѕвезди3 ѕвезди4 ѕвезди5 ѕвезди6 ѕвезди7 ѕвезди8 ѕвезди9 ѕвезди10 ѕвезди (6 гласа, просек: 8.83 од 10)

Loading...Loading...

Колку време е потребно да се живее во лага за да се заборави вистината? Колку може еден човек да се изгуби во својот псевдоним и да престане да прави разлика помеѓу реалноста и фикцијата? Што се случува со умот на тајните агенти чии животи зависат од степенот на соживување со својата улога? Велат дека најдобро е доколку вашата измислена приказна е доволно слична со вашата реална приказна, но зарем на тој начин не се губат границите?

ТВ серија: Легенди (Legends)

Во тајните служби во Америка постои изразот „легенда“. Овој израз се употребува за измислениот идентитет кој агентите имаат за задача да го преземат со цел да дознаат повеќе информации за личноста или организацијата која е предмет на истражување од страна на ФБИ. Во овој психолошки трилер ги следиме токму овие легенди на агентот Мартин Один (Шон Бин). Уште во првите неколку минути веднаш ќе забележите дека тој има исклучителен талент за својата работа. За само неколку секунди тој има способност да се трансформира во личноста која е потребно да биде и почнува да го живее животот на својата легенда исто како да е негов. Не секој би можел да ги издржи оние ситуации кои му излетуваат на неговиот пат, но тој стиска заби, импровизира доколку е потребно и секогаш успева да ја продаде својата улога.

ТВ серија: Легенди (Legends) ТВ серија: Легенди (Legends)

Животот на Мартин ќе се раздрма кога еден скитник ќе му пристапи и ќе го праша колку е сигурен дека го живее неговиот живот, а не животот на една од неговите легенди. Ова прашање силно ќе го погоди агентот кој веќе некое време има потешкотии при излегувањето од својата легенда и влегувањето во својот реален живот. Тој како да почнува да ги меша своите идентитети до тој степен што веќе заборавил и како ја запросил својата бивша жена, во која изгледа дека сè уште е заљубен. Мартин е личност која се грижи за оние кои ги сака, вклучувајќи го и синот, но работата му е секогаш на прво место. Тој е одличен во тоа што го прави, но за да го одржува овој квалитет не смее да дозволи неговиот приватен живот да му се меша во професионалниот и токму ова е една од најтешките нешта со кои тој секојдневно се соочува.

ТВ серија: Легенди (Legends) ТВ серија: Легенди (Legends)

И покрај тоа што оваа ТВ серија не е лесна за гледање, таа успева целосно да ви го преземе вниманието и да ве натера да се почувствувате како да сте дел од неа. Со секоја наредна сцена вие навлегувате подлабоко во мистеријата за животот на тајниот агент Мартин Один, но и почнувате да сочувствувате со него за сите оние тешки одлуки кои на прв поглед изгледа дека тој со леснотија ги донесува. Дури во одредени моменти и ќе се запрашувате дали вие би можеле да постапите на тој начин или пак, би дозволиле вашата маска да биде откриена. Она што ја прави оваа ТВ серија уште посовршена е и неверојатната глума на Шон Бин. Доволно е само да го погледнете неговиот израз и без да изусти ниту еден збор веднаш ќе сфатите што се врти во мислите на неговиот лик. На кратко, доколку имате малку слободно време и доколку сте фан на овој жанр, „Легенди“ со сигурност нема да ве разочара.

ТВ серија: Легенди (Legends) ТВ серија: Легенди (Legends)

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран психолог кој обожава да пишува. Отсекогаш многу ја интересирала астрономијата и физиката, а животно мото ѝ е дека не смее да помине ни еден ден без танцување. Автор на книгата „На работ од времето“, првиот дел од трилогијата „Наследството на Вероника“.

Поврзани содржини

Остави коментар