Претходно
Филмови кои имаат потенцијал да ја освојат 2014 година
Нова година, нови идеи, нови филмови. Според листата на филмови кои излегуваат во 2014-та година, веднаш може да се забележи дека преовладуваат неколку жанрови – научна фантастика, фантазија и акција. Компјутерската технологија и неверојатните ефекти направија експлозија на филмското платно во последниве неколку години, а со тоа се поместија границите и се сврте вниманието на гледачите кон овие специфични жанрови. Па, можеби ова е причината поради која нареднава година се запоставуваат класичните драми, комедии и акции. Но, сепак тоа не значи дека се намалува и самиот квалитет на идните филмови. Погледнете дел од филмовите кои имаат потенцијал да ја освојат 2014 година…
1. Работата со лешникот (The nut job) – 17 јануари 2014
Кратка содржина: Една верверичка е протерана од нејзиниот дом во паркот и е присилена да живее во големиот град. За среќа, таа го пронаоѓа единственото нешто кое може да ѝ помогне да ја преживее зимата – продавница за лешници.
Гласови: Вил Арнет, Катерин Хејгел, Брендан Фрејзер
2. Ловци на богатство (The monuments men) – 7 февруари 2014
Кратка содржина: Група војници во Втората светска војна добиваат задача да спасат уметнички ремек-дела од нацистите кои сакале да ги уништат и да ги вратат на своите сопственици.
Главни улоги: Џорџ Клуни, Кејт Бланшет, Мет Дејмон
3. Зимска приказна (Winter’s Tale) – 14 февруари 2014
Кратка содржина: Обичен крадец се заљубува во богата девојка која ќе почине во неговите раце. Но, тој дознава дека поседува дарба за реинкарнација и на тој начин ќе се обиде да ја спаси. Ова не е вистинска приказна, ова е приказна за вистинска љубов.
Главни улоги: Колин Фарел, Џесика Браун Финдлеј, Расел Кроу
4. Бел (Belle) – 14 февруари 2014
Кратка содржина: Овој филм е инспириран од вистинската приказна за Дајдо Елизабет Бел, вонбрачната ќерка од мешана раса на кралскиот адмирал на морнарицата. Нејзиното потекло ѝ овозможило одредени привилегии, но бојата на кожата ја спречува целосно да учествува во настаните и токму поради тоа таа се плаши дека никогаш нема да пронајде љубов.
Главни улоги: Гугу Мбата-Ро, Метју Гуд, Емили Вотсон
5. Академија за вампири (Vampire Academy) – 14 февруари 2014
Кратка содржина: Роуз Хатевеј е половина човек, половина вампир. Таа е заштитничка на Морои, мирни и смртни вампири кои живеат во светот на луѓето. Нејзината задача е да ја штити најдобрата пријателка која е кралски член на прастара раса и можна престолонаследничка.
Главни улоги: Зои Дуч, Луси Фрај, Данила Козловски
