Почеток на една љубовна приказна…

Зад ова филмско ремек дело, насловено „Nuit Blanche“ (Непреспиена ноќ), стои 30-годишниот француски режисер Arev Manoukian, а е во продукција на „Spy Films“.

Краткиот филм, е снимен во Париз, а прикажува еден бурен момент на конекција помеѓу маж и жена, кои никогаш во животот се немаат сретнато, до мигот кога нивните погледи ќе се судрат и инстантно ќе создадат фатална магнетската привлечност. Никој и ништо на светот не е посилно од нивната љубов за да може да ги раздели.

Почеток на една љубовна приказна...

Она што „Nuit Blanche“ го прави маркантен и незаборавен, е црно-белата техника, забавената снимка, експлозиите од вода и стакло и целокупниот впечатлив приказ на безусловната страсна љубов помеѓу мажот и жената. Продолжените секунди ги отсликуваат чувствата кои секој од нив ги има за другиот, а времето само по себе е експресија на нивната преголема, дури болна потреба да бидат заедно.

Почеток на една љубовна приказна...

„Непреспиена ноќ“ ја освои главната награда на LG-Филмскиот фестивал, одржан во 2010.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

  1. Mia Reply

    Многу убаво направено……..

Остави коментар