Едноставни идеи кои ќе го претворат вашиот дом во удобно и модерно катче

Едноставни идеи кои ќе го претворат вашиот дом во удобно и модерно катче

Промените се задолжителни, бидејќи со нив се освежува она што е застарено или му се дава нова смисла. Ова особено се однесува на вашиот дом, бидејќи тој е вашето царство во кое ги минувате најдрагоцените моменти и потребно ви е опкружување кое ќе биде совршено. Заради таа причина потребно е одвреме-навреме да го надополнувате со нови работи и повторно да ја доживеете убавината на ентериерот кој сте го создале по сопствен вкус. Иновациите не треба да подразбираат дополнителен трошок, понекогаш промената на местото на мебелот е доволна за поразличен впечаток за просторот и може да го даде посакуваниот ефект. Ако сте во можност да одвоите пари за некоја ситница која ќе ве направи среќни и ќе го разубави вашиот дом, тогаш имаме интересни трикови и идеи за вас.

1-dali-ste-podgotveni-za-preureduvanje-na-domot-ednostavni-idei-koi-kje-go-pretvorat-vashiot-dom-vo-udobno-i-moderno-katche-www.kafepauza.mk_

1. Украсете го вашиот камин со зеленило

Имате изградено камин во дневната соба, а не е во тек грејната сезона? Не оставајте го тој феноменален дел да остане осамен и да ги чека своите 5 минути. Ставете во него раскошна билка во саксија која има интересен раст. Повторно ќе се гледа нешто од него, а тоа нема да биде оган, и ќе изгледа навистина прекрасно. Исто така, ако постои рамна површина на врвот од каминот, тогаш може да ви послужи како одлично место за помали саксии со цвеќе.

2-dali-ste-podgotveni-za-preureduvanje-na-domot-ednostavni-idei-koi-kje-go-pretvorat-vashiot-dom-vo-udobno-i-moderno-katche-www.kafepauza.mk_

2. Поставете тапети во кујната

Кујната често е една од просториите во која поминувате поголем дел од времето, па од таа причина можете да ја освежите со украсен тапет кој ќе го поставите на еден од ѕидовите. Вклопете го со работната површина која е главниот дел од секоја кујна. Со ова освежување можете да добиете нови кулинарски инспирации, затоа што нема што да изгубите, а вреди да испробате.

3-dali-ste-podgotveni-za-preureduvanje-na-domot-ednostavni-idei-koi-kje-go-pretvorat-vashiot-dom-vo-udobno-i-moderno-katche-www.kafepauza.mk_

3. Поставете скулптури на необични места

Одредени делови од мебелот како што се полиците, масичките и сите други рамни површини се вообичаени места за декоративни фигури и скулптури. Направете мало отстапување од очекуваното и поставете нови или стари скулптури на необични места во домот, на пример некоја поголема скулптура покрај фотелјата. Играјте си со просторот и истакнете ги омилените украси правејќи ги повидливи отколку што биле досега.

4-dali-ste-podgotveni-za-preureduvanje-na-domot-ednostavni-idei-koi-kje-go-pretvorat-vashiot-dom-vo-udobno-i-moderno-katche-www.kafepauza.mk_

4. Послужете се со големи, широки огледала за отворање на просторот

Ова е „наука“ која сигурно веќе сте ја слушнале и испробале, но се покажала и како најефективен начин за визуелно проширување и отвореност на просториите. Создадете впечаток на распространетост и дозволете светлината да се движи внатре во собата, правејќи ја безгранична. Овој чекор влијае и врз вашето ведро расположение додека престојувате во собата.

5-dali-ste-podgotveni-za-preureduvanje-na-domot-ednostavni-idei-koi-kje-go-pretvorat-vashiot-dom-vo-udobno-i-moderno-katche-www.kafepauza.mk_

Продолжете на следната страна за уште неколку модерни идеи.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар