Рецепт за чизкејк со ликер од портокал

Можете да направите чизкејк на многу начини, но овој вкус нема да го заборавите толку лесно затоа што е посебен.

Рецепт за чизкејк со ликер од портокал

Потребни состојки:

За подлога:

  • масло
  • 300 грама чоколадни кекси
  • 2 лажици какао во прав
  • 90 грама стопен путер

За крем:

  • 560 грама крем сирење
  • 150 грама маскарпоне
  • 150 грама шеќер во прав
  • 300 милилитри слатка павлака
  • рендана кора од 2 портокали

За желе:

  • 100 милилитри ликер од портокал
  • 230 милилитри прошек
  • 65 милилитри газирана вода
  • 20 милилитри шеќерен сируп
  • 6 листа желе

Начин на подготовка:

Премачкајте го плехот со масло. Во блендер, измешајте ги кексите со какаото, потоа ставете ги во еден сад и додајте го путерот. Ставете ја смесата во плехот, израмнете ја и цврсто притиснете ја со прстите.

За кремот, со миксер изматете ги маскарпонето, крем сирењето, шеќерот во прав и павлаката. Потоа, додајте ја кората од портокал и измешајте. Со лажица нанесете го кремот на подлогата и оставете го да се излади неколку часа.

За да направите желе, со метална лажица измешајте ги ликерот, прошекот, газираната вода и сирупот. Обидете се да оставите колку што можете повеќе меури. Натопете го желатинот во вода и оставете го да стои додека не стане мек и еластичен. Затоплете ја смесата од ликерот, а потоа тргнете ја настрана и додајте го желатинот откако ќе го извадите од водата. Добро измешајте и оставете да се излади. Прелијте го кремот и оставете го колачот во фрижидер најмалку 6 часа.

Погледнете како да направите здрав и вкусен домашен крем од лешник готов за 5 минути.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар