Калатеа – прекрасна тропска убавица што ќе ви возврати за посветеното внимание

Сезоната на цвеќиња на балконите се приближува кон својот крај, па сè повеќе треба да бидете фокусирани на домашните растенија што се убави во текот на целата година. Една од нив е калатеата која маѓепсува со своите лисја.

Калатеа - прекрасна тропска убавица што ќе ви возврати за посветеното внимание

Ова растение природно расте во тропските предели на Јужна и Централна Америка, а кај нас првенствено се одгледува како домашно растение. Неговото латинско име Calathea потекнува од грчкиот збор „kalathos“, што значи корпа, а тоа се должи на обликот на цвеќето на некои сорти, но и затоа што кошниците навистина биле направени од овие издржливи цврсти лисја.

Навечер, лисјата на калатеата малку се свиткуваат и се затвораат, а наутро, со првите зраци на дневната светлина, повторно се отвораат. Додека се затворени, листовите потсетуваат на склопени раце за време на молитвата, па ова растение се нарекува и молитвено цвеќе.

Калатеа - прекрасна тропска убавица што ќе ви возврати за посветеното внимание

Калатеата може да порасне до 50 цм, нејзините лисја се долги и растат на исправени, цврсти и месести стебла. Интересно е што во текот на пролетта и почетокот на летото почнуваат да се развиваат портокалови, жолти, бели или виолетови цвеќиња, но тие остануваат многу кратко време. Токму затоа лисјата се тоа што го издвојуваат ова растение од останатите. Со своите шари, тие изгледаат како да ги нацртал некој уметник. Така, некои од лисјата наликуваат на пруги од зебра, додека други наликуваат на леопардови точки.

Како да се грижите за ова растение?

Сепак, грижата за ова растение не е толку лесна како што може да изгледа на прв поглед, но штом ги усвоите правилата за нега, тоа дефинитивно ќе ви се исплати.

Бидејќи станува збор за тропско растение, треба да обезбедите многу влага, па затоа ова растение не е погодно за оние кои често забораваат да ги наводнуваат цвеќињата.

Калатеа - прекрасна тропска убавица што ќе ви возврати за посветеното внимание

Саксијата во која расте треба да содржи експандирана глина (што ќе помогне во дренажата), почва и тенок слој од дрвен или активен јаглен на површината на почвата за да спречи гниењето на коренот.

Калатеата бара температура од 18 до 23 °С, а никако пониска температура бидејќи нејзините лисја ќе паднат или ќе пожолтат. Потребна е и силна светлина, но треба да се избегнува изложување на директна сончева светлина.

Влажноста на воздухот околу неа треба секогаш да биде околу 70-90 проценти. Колку е потопла просторијата, толку е поголема влагата. За да се постигне ова, потребно е често прскање, но не на самите лисја, туку воздухот околу неа.

Покрај тоа, еднаш месечно е добро да се храни со дополнителни ѓубрива што може да се купат во која било продавница за цвеќиња.

За возврат, ќе добиете мирис на тропски предели во вашиот дом и растение со прекрасни лисја што сигурно ќе стане предмет на разговор со гостите.

Прочитајте како да одгледувате замија – растение што им успева на сите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар