10 грешки што родителите треба да престанат да ги прават

Да се биде родител е една од најтешките професии и тука постои простор за грешки како и на сите други работни места. Сите луѓе грешат, но кога станува збор за родителството, влогот е голем. Погрешните работи што ги правите или што ги велите може да имаат негативни последици кај вашите деца кога ќе станат возрасни. Според експертите, ова се вообичаените грешки што ги прават родителите кога ги воспитуваат своите деца.

1. Донесувате одлуки за вашето дете

10 грешки што родителите треба да престанат да ги прават

Просторот што ќе му го дадете на вашето дете за да донесува одлуки и да прави избор може да биде клучен за неговата психолошка удобност. Кога не чувствувате контрола над сопствениот живот, страдате од стрес и од вознемиреност. Обидете се да не го принудувате вашето дете да прави нешто и не ограничувајте го неговиот избор. Наместо тоа, обидете се да го охрабрите да донесе свои одлуки и да бидете тука за вашето дете кога ќе му треба вашата помош.

2. Критикување и споредување

Ако премногу го критикувате вашето дете, тоа може сериозно да влијае на неговата самодоверба и да го доведете до ситуација кога нема да може да им се радува на своите достигнувања и ќе се чувствува како аутсајдер. Експертите за родителство веруваат дека фразите што започнуваат со „Зошто си толку…“ или „Зошто не можеш да бидеш како…“ може да ѝ наштетат на психолошката удобност на вашето дете така што можеби ќе му треба многу време за да закрепне.

3. Не му дозволувате на вашето дете да прави грешки

10 грешки што родителите треба да престанат да ги прават

Најмногу лекции во текот на животот учите од сопствените грешки. Кога се обидувате да ги заштитите своите деца од тие грешки, им ја скратувате можноста да се соочат со последиците од нивниот избор и од нивните постапки. Следниот пат кога ќе сакате да го извлечете вашето дете од некоја збрка, обидете се да размислите за добрите работи што може да ги научи вашето дете од таа грешка.

4. Зборувате повеќе отколку што слушате

Кога станува збор за родителството, слушањето е една од најважните вештини што родителот треба да ги има. Понекогаш, брзате да им ја кажете лекцијата на вашите деца кога нешто ќе се случи, наместо само да ги ислушате. Да бидете добар слушател е знак на љубов и поддршка. Поставувајте прашања што започнуваат со „што“ или „како“ наместо „зошто“ за да го охрабрите вашето дете да ви каже нешто повеќе за својот проблем и заедно да успеете да најдете решение.

5. Му дозволувате на детето да ги избегне обврските

Некои родители мислат дека нивното дете треба да има само забавно детство и одлучуваат да го ослободат од домашните обврски. Но, ако го охрабрувате вашето дете да прави нешто што е соодветно за неговата возраст, ќе му помогнете да стане одговорна личност кога ќе порасне.

6. Не ги сфаќате сериозно проблемите со учењето

Лошите оценки и проблемите со однесувањето на училиште не се секогаш резултат на тоа што вашето дете е мрзливо или немотивирано. Проблемите со меморијата и многу други аспекти на физичкото и психичкото здравје може да бидат причина за проблемите со учењето и тие не треба да се игнорираат.

7. Очекувате совршенство

10 грешки што родителите треба да престанат да ги прават

Сосема е нормално кога родителите се надеваат на најдоброто и очекуваат најмногу од своите деца, но високите очекувања може да предизвикаат проблеми. Прво, треба да сфатите дека вашите деца не можат да бидат најдобри во сè што прават. Второ, наместо да ги присилувате секогаш да бидат подобри од другите, треба да се фокусирате на нивните достигнувања и да им помогнете да ги подобрат своите вештини.

8. Надоместување за другиот родител

Некои родители се обидуваат да бидат подобри или построги за да надоместат за својот партнер. Но, овој пристап може да предизвика уште повеќе проблеми. На овој начин, вие и вашиот партнер правите компромис еден со друг, наместо да го охрабрите вашето дете да се обиде да постигне договор со двајцата родители.

9. Правите работи за вашите деца што тие можат да ги направат сами

10 грешки што родителите треба да престанат да ги прават

Дозволете им на вашите деца сами да ги завршуваат своите обврски ако сакате да ги израснете во одговорни и решителни личности. Ако сте родител кој прави многу работи за своето дете, експертите предлагаат да го испробате овој метод:

  • Запишете ги сите работи што сте направиле за вашето дете во текот на една недела.
  • На крајот на неделата погледнете во списокот и прецртајте ги работите што вашето дете може да ги направи само и престанете да ги правите.
  • Заокружете ги работите што вашето дете може делумно да ги направи и дозволете му да го направи својот дел.
  • Продолжете да му помагате на вашето дете во сè останато.

10. Не го применувате тоа што го кажувате

Кога кажувате лаги, ги обвинувате другите и глумите жртвата додека им кажувате на вашите деца никогаш да не ги прават тие работи, вие сте противречни. Обидете се да бидете добар пример за вашето дете и бидете доволно храбри да признаете свои грешки.

Прочитајте кои 10 постапки на бабите и дедовците ги нервираат родителите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар