Сè што сакате и мразите кај другите открива многу работи за вас

Луѓето во вашите животи се вашите најголеми учители. Начинот на кој реагирате на нив е директен одраз на тоа како се однесувате кон самите себеси.

Сè што сакате и мразите кај другите открива многу работи за вас

Размислете за тоа како ги доживувате луѓето во вашиот живот во овој момент. Сè што сакате или мразите кај другите е само огледало на вашите сопствени квалитети.

Ако ги почитувате луѓето што ви даваат слобода, се почитувате себеси што си давате слобода.

Ако сте огорчени затоа што другите се однесуваат лошо кон вас, вие сте огорчени кон себе затоа што се однесувате лошо кон себе и затоа што не си простувате.

Дали гледате како секоја надворешна реакција има соодветна внатрешна реакција и обратно?

Секоја личност во вашиот живот е потенцијален учител. Овие лекции можете да ги научите од негативните емоции што другите ги предизвикуваат кај вас. Овие емоции им даваат различни лекции на различни луѓе, а ова се само неколку примери:

Лутина: треба да се запознаете со поголемата слика на светот.

Тага: треба да научите да го прифатите животот и повторно да се поврзете со својот центар.

Страв: мора да прифатите дека некои работи не можете да ги контролирате.

Омраза: треба да се сакате себеси повеќе и да си дадете прошка за да можете да им го дадете тоа и на другите.

Срам: треба да ги истражите вашата темна страна и она што го потиснувате.

Обвинување: треба да преземете одговорност.

Љубомора: треба да ја почитувате ситуацијата во којашто се наоѓате.

Вина: треба да се испитате себеси и да откриете каде го изгубивте контактот со вистината.

Раздразливост: треба да развиете повеќе разбирање за туѓите потреби така што ќе ги почитувате вашите потреби.

Исто така, треба да имате предвид дека секоја емоција може да ве научи на различна лекција во зависност од настаните што се случуваат во текот на денот.

На пример, еден ден, лутината кон вашите пријатели укажува на тоа дека мора да научите да го отворите умот. Следниот ден, лутината може да укаже на вашето незадоволство и на потребата да се опуштите.

Сепак, вашето проширување на душата во голема мера зависи од тоа како ги доживувате и како реагирате на луѓето во вашиот живот. Кога ќе сакате да учите од животот и кога ќе престанете да бидете жртва на околностите, правите моќен избор.

Ако сакате да бидете сами свој психолог, поставете си ги овие прашања.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар