Интересни факти за филмовите

Дали знаевте зошто сериите уште се нарекуваат „сапуници“ и кој е најгледаниот сериски филм?

• Во оригиналната верзија, чевличката на Пепелашка не била направена од стакло, туку од крзно.
• Мапет шоуто било забрането во Саудиска Арабија затоа што еден од ликовите бил свиња.
• Во серијата „Симпсонови“, Хомер, Марџ, Лиса и Маги ги добиле имињата според мајката, таткото и двете сестри на творецот на оваа серија.
• Душко Долгоушко за првпат се појавил во 1935 година. Тогаш се викал Среќниот Зајак.

• Дизниленд за првпат бил отворен во 1955 година.
• Во периодот помеѓу 1931 и 1969 година, Волт Дизни освоил 35 Оскари.
• Првиот долгометражен цртан филм кој излегол од студиото на Дизни бил „Снежана и седумте џуџиња“ (1937 година).
• Мики Маус во Италија е познат како Тополино.

• Бендот „Дјуран Дјуран“ го добил своето име според астронаутот во филмот на Џејн Фонда од 1968 година, „Барбарела“.
• Песната „Среќен роденден“ била првата песна изведена во вселената од страна на екипажот на Аполо 9, на 8 март 1969 година.
• Мајката на актерката Мелани Грифит, Типи Хендрен, се прослави играјќи ја главната улога во филмот на Алфред Хичкок, „Птици“.
• Во филмот на Хичкок, „Психо“, наместо крв бил користен чоколаден сируп. Фамозната сцена со тушот трае 45 секунди, а била снимана 7 дена.
• Најчестата историска личност портретирана во филмовите е ликот на Наполеон Бонапарта, за кој се снимени 194 филма. По него следуваат Исус Христос со 152 и Абрахам Линколн со 137 филма.
• Најдолгиот говор за доделувањето на Оскарите траел 5 минути и 30 секунди. Го држел Грир Гарсон за филмот од 1942 „Госпоѓа Минивер“.
• Првата холивудска актерка која добила 1 милион долари за една слика била Елизабет Тејлор за сликата на Клеопатра.

• Сериите познати како „сапунски опери“ или „сапуници“ биле наречени така затоа што биле наменети за рекламирање сапун во вид на прашок.
• Најпопуларната телевизиска серија е „Чувари на плажата“.
• Првобитно, Кортни Кокс била предвидена да го глуми ликот на Рејчел во серијата „Пријатели“, но откако го прочитала сценариото, таа сама побарала да ја глуми Моника.
• Освен „Пријатели“, други можни наслови за оваа серија биле „Пријатели како нас“, „Шест како еден“ и „Преку ходникот“.
• Пред да започне снимањето на „Пријатели“, било предвидено централниот настан да биде љубовта меѓу Џои и Моника.
• Гантер, келнерот од кафулето Central Perk, немал име сè до средината на втората сезона.
• Најавната шпица во која актерите танцуваат во фонтаната била снимена во 4 часот наутро.
• Последната епизода на „Пријатели“ била снимена на 6 мај 2004 година.

• Првиот филмски бакнеж се случил помеѓу Меј Ирвин и Џон Ројс во 1896 година, во филмот „Вдовицата Џоунс“.
• „Кинг Конг“ е единствениот филм кој добил продолжение истата година (1933), кога првпат се нашол на репертоарот на светските кино-сали. Продолжението на „Кинг Конг“ се вика „Синот на Конг“.
• Филмот „Убава жена“ е снимен според операта „Травијата“ во која проститутка се вљубува во богат човек.
• Во филмот „Убиј го Бил“, Ума Турман носи жолт костум ист како оној на Брус Ли во филмот „Игра на смртта“.
• За потребите на „Убиј го Бил“ биле потрошени 65.000 долари за мечеви.
• Сценариото на овој филм било пишувано 6 години, пред да биде поделено на два дела.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм