Претходно
Инстинктивното однесување на бебињата: Првите 70 минути од животот на новороденчињата
Благодарејќи на внимателното набљудување на новороденчињата во текот на првите 70 минути по раѓањето, научниците дошле до следниве интересни сознанија.
Минута 0: Бебето пушта гласен крик кој му помага да си ги разбуди белите дробови.
Минута 2: По крикот бебето се одмора помалку од минута, лежејќи сосема мирно на мајчините гради. Овој миг на тишина според д-р Лора Сандерс , може да е резултат на еволуцијата во која бебињата морале да се кријат од предаторите.
Минута 2,5: Кога ќе почне да се буди, новороденчето за првпат ги отвора очите. Полека почнува да ги поместува главата и усните.
Минута 8: Бебето станува активно и ги држи очите отворени до 5 минути, па и подолго. Во текот на оваа активна фаза, се чини дека развива интересирање за јадење, бидејќи гледа во мајчиното лице и гради и испушта тивки слатки звуци и со рацете посегнува кон својата уста.
Минута 19: Тоа беше исцрпувачки. Време е за уште еден одмор.
Минута 36: Новороденчето се одморило и почнува да се поместува кон мајчините гради, а мирисите му помагаат да се ориентира.
Минута: 62: Бебето почнува да цица, најнапред мала количина колострум, кој тече пред млекото, а е полн со белковини и супстанци кои го јакнат имунитетот.
Минута 70: Бебето потонува во заслужен сон.
Д-р Лора предупредува дека овие заклучоци се добиени со посматрање на мал број бебиња, така што какво било отстапување во минутажата е сосема нормално, но напоменува и дека сите податоци и тоа како можат да бидат од помош при осмислувањето на постапки кои го охрабруваат доењето.
