Претходно
9 дестинации за евтин одмор во 2020 година
Најдобрите спомени се случуваат на одмор, па ако сакате да резервирате патување, овие дестинации треба да ги земете предвид. Според едно истражување во кои биле опфатени 42 дестинации, трошоците за храна, за пијалаци и за другите потреби се најниски во овие туристички места.
1. Сончев Брег, Бугарија
Сместен на брегот на Црното Море, Сончев Брег го зазеде првото место на списокот со најевтини дестинации за патување. Местото е познато по својата жива атмосфера и ниските цени, а таму ве очекуваат долги песочни плажи, забавен ноќен живот и живописниот стар дел на градот Несебар.
2. Мармарис, Турција
Мармарис е за нијанса поскапа дестинација од Сончев Брег, но ако сакате мирен и тивок одмор изберете го овој турски крајбрежен град каде што ве очекуваат многу историски знаменитости и возбудливи пловења. Освен тоа, по заоѓањето на сонцето ве очекува живописен ноќен живот.
3. Токио, Јапонија
Токио се најде на третото место и поради тоа вреди да направите едно долго патување за да го посетите овој град. Изберете ја јапонската престолнина ако сакате комбинација на современото и на традиционалното. Таму ве очекува контраст од футуристички шопинг и тивки прошетки низ градините.
4. Алгарве, Португалија
Нема потреба да се објаснува убавината на Алгарве, доволно е само да ја погледнете фотографијата. Ова живописно португалско крајбрежје е идеално за секаков вид одмор, без разлика дали сакате да посетувате ноќни клубови и барови или сакате да го доживеете амбиентот на локалниот пазар.
5. Коста дел Сол, Шпанија
Беше очекувано Шпанија да се појави на овој список, па еве ја на петтото место. Коста дел Сол е речиси секогаш светло и сончево место. Упатете се кон Марбела ако сте расположени за луксузни искуства или кон Торемолинос ако сте љубители на храна.
6. Кејптаун, Јужна Африка
Јужна Африка изненадувачки се појави на оваа листа. Во Кејптаун ве очекуваат живописни сцени и пејзажи што го одземаат живот, па многу брзо ќе го исполните вашиот албум со фотографии од ова патување. Посетете ја планината со карактеристична форма на маса, а ако сте доволно храбри, резервирајте нуркање во кафез.
7. Хои Ан, Виетнам
Хои Ан е идеална дестинација за оние што сакаат да дознаат како изгледа традиционалниот виетнамски живот. Ова место ќе ви понуди мирен шопинг и увид во познатата индустрија за свила, а можете и да пливате во топлите води на Јужнокинеското Море.
8. Бали, Индонезија
Во Бали ве очекуваат неверојатни храмови, искачувања по планини и разгледување мајмуни. Не пропуштајте ја и можноста за нуркање бидејќи островот се наоѓа во разновидниот корален триаголник.
9. Прага, Чешка
Ставете ја Прага на списокот за патувања во текот на следната зима. Позната по своите раздвижени празнични пазари, Прага е идеално зимско чудо. Љубителите на историјата ќе уживаат во средновековниот кварт, полн со улици од калдрма и со импресивна архитектура.
Погледнете каде треба да патувате во 2020 година според хороскопскиот знак.
kaj go najdovte Tokio kako eftina destinacija??
Eight of the top 10 cities named in the Cost of Living survey are in Asia, up from six entries in 2018. Hong Kong’s red-hot housing market and fluctuations in its currency—which is pegged to the strong U.S. dollar—kept the city at the top of the list. Tokyo came in second, followed by Singapore, Seoul, Zurich and Shanghai.
BALI, CAPETOWN …PA ZA TAMU KOLKU KOSTA KARTA ZNAETE LI…
PRILICNO AMATERSKI NAPIS
Почитувани,
Во истражувањето се опфатени 42 дестинации и списокот е направен според трошоците за храна, за пијалаци и за други работи што се потребни за одмор (крем за сончање, средство против инсекти итн.), но не се вклучени трошоците за пат.
Јапонија е една од најскапите земји во светот. Токио никако не одговара на листава.