6 книги што морате да ги прочитате доколку сакате да напредувате во вашата кариера

6 книги што морате да ги прочитате доколку сакате да напредувате во вашата кариера

Отсекогаш сте посакувале да напредувате во кариерата, но не знаевте како? Во продолжение ви предлагаме 6 книги кои можат да ви послужат како вистинска инспирација за да дадете сè од себе и да го унапредите личниот развој.

6 книги што морате да ги прочитате доколку сакате да напредувате во вашата кариера

1. „Благодарам за фидбекот“ од Даглас Стоун и Шила Хен

Една од најважните вештини што треба да ги развиете е способноста да ги прифаќате критиките и да учите од нив. Од друга страна, знаеме дека тоа воопшто не е лесна работа. Авторите на „Благодарам за фидбекот“ директно се справуваат со овој проблем. Оваа книга нуди и моќни совети за тоа како да се справиме со бурите во животот.

6 книги што морате да ги прочитате доколку сакате да напредувате во вашата кариера

2. „Вештини плус: Професионален развој во 21 чекор“ од Крис Вотсон

Книгите што ја истражуваат тематиката на кариерниот развој во најголем дел од случаите не нудат практични и остварливи предлози. Ние сепак најдовме исклучок, а тоа е книгата „Вештини плус: Професионален развој во 21 чекор“. Книгата содржи дури 840 техники и алатки што ќе ви помогнат во професионалниот развој и ќе ви ги дадат вистинските насоки. Секое поглавје се фокусира на една од 21 вештини и нуди 40 практични идеи за нивно усовршување.

6 книги што морате да ги прочитате доколку сакате да напредувате во вашата кариера

3. „Лидер: Спознај ги, сакај ги и биди им инспирација на твоите луѓе“ од Кејти Гренвил Чапман и Еми Битстон

Дали ви е тешко да управувате со тим? Оваа книга истражува како добрите лидери им помагаат на своите тимови да успеат преку наоди од невронауката и примери за успешно лидерство. Книгата ја сочинуваат три клучни принципи: спознај ги, сакај ги и инспирирај ги своите луѓе. На крајот од книгата ќе најдете практични активности што ќе ви помогнат да размислите за вашиот напредок и напредокот на вашиот тим.

6 книги што морате да ги прочитате доколку сакате да напредувате во вашата кариера

4. „Бидете храбри, а не совршени: Помалку стравови, повеќе падови и поголема храброст“ од Решма Саујани

Сите ние се криеме под стравот од неуспех. Но, што ако не беше така? Решма Саујани, извршен директор на невладината организација Girls Who Code е авторката на оваа книга што нè учи зошто поважно е да бидеме храбри отколку совршени. Книгата нуди и совети што ќе ви помогнат да научите како да престанете да се обвинувате за грешките и само да дишете.

6 книги што морате да ги прочитате доколку сакате да напредувате во вашата кариера

5. „Како да го дочекате поразот: Сè што ме научија нештата што тргнаа во погрешна насока“ од Елизабет Деј

Еве уште една книга за тоа како да се соочите со неуспехот, наместо да се криете од него. Дел од книгата го сочинуваат мемоари, а дел е вистински манифест. Нејзина водечка мисла е дека неуспехот нè прави посилни. Преку поглавјата за работата, спортот, семејството, децата, оваа книга ни посочува како да не се плашиме од сопствените грешки туку наместо тоа, да учиме од нив.

6 книги што морате да ги прочитате доколку сакате да напредувате во вашата кариера

6. „Луѓе: Од А до Ш“ од Мет Хејг

Успехот е длабоко поврзан со покажувањето емпатијата кон другите. Овој забавен водич на човечката раса ќе ви помогне да ги протолкувате нејзините изреки, да разберете концепти како на пример „демократија“ или „кауч“ и да ги разберете навиките и бизарните обичаи на луѓето. Вистински водич за преживување, „Луѓе: од А до Ш“ ги разоткрива сите необичности, чудесии и особености на хомо сапиенсот.

6 книги што морате да ги прочитате доколку сакате да напредувате во вашата кариера

Откако прочитавте кои книги можат да ви помогнат во професионалниот развој, ви препорачувате да ги усвоите и универзалните животни лекции од најпродаваните книги на сите времиња.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар