Градовите како инспирација за создавање на најпознатите книжевни дела!

Градовите како инспирација за создавање на најпознатите книжевни дела!

Дали некогаш сте се запрашале за врската помеѓу славните автори и градовите кои биле нивна инспирација за создавање на најпознатите книжевни дела? Ние направивме мал список на дел од нив.

Санкт Петербург, Русија

Како што можеме да увидиме од неговите дела, Достоевски бил особено приврзан за Санкт Петербург. Во романот „Злосторство и казна“, главниот јунак на Достоевски, Раскољников, ги демне улиците како што правел и самиот писател најверојатно, вдишувајќи ги животот и смртта истовремено и црпејќи инспирација од градот. Градот бил инспирација и за други руски писатели, Така, на пример, Пушкин, најпознатиот руски поет, го нарекол овој град свој дом, а тука и починал во дуел на 37-годишна возраст. Посетителите можат да го посетат кафулето Literary Café каде го изел својот последен оброк како и резиденцијата на Достоевски каде славниот писател го напишал романот „Браќата Карамазови“.

Градовите како инспирација за создавање на најпознатите книжевни дела!

Единбург, Шкотска

Единбург послужил како инспирација за повеќе од 500 романи како и стиховите на националниот поет на Шкотска, Роберт Бернс. Традицијата е клучен збор за Единбург, но голема улога игра и неговиот модерен дух, па така истовремено се слават Бернс и современите писатели како Јан Ранкин. Делото на Ранкин се слави преку пешачки тури и локации кои му се омилени на неговиот протагонист, инспекторот Ребус. Градот може и да се пофали и со музеј на писателите.

Градовите како инспирација за создавање на најпознатите книжевни дела!

Париз, Франција

Париз долго време бил едно од најзначајните собиралишта на писателите, уметниците и сите авангардни ликови. Француските писатели Виктор Иго и Оноре де Балзак се прославиле овде. Да не ги заборавиме и доселените книжевни генијалци како Оскар Вајлд, Хемингвеј и Џорџ Орвел кои твореле во Градот на светлината.

Градовите како инспирација за создавање на најпознатите книжевни дела!

Даблин, Ирска

Уживајте во Даблин додека чекорите по стапките на неговите великани како Џејмс Џојс и Вилијам Батлер Јејтс. Енергијата на градот е подеднакво привлечна за посетителите и денес исто како што била во минатото. Имено, за историската слава на градот сведочи познатиот средновековен ракопис, Книгата на Келс, кој се чува во библиотеката на колеџот Тринити.

Градовите како инспирација за создавање на најпознатите книжевни дела!

Откако прочитавте за врската меѓу градовите и творештвото на дел од најпознатите автори на сите времиња, можеби ќе сакате да прочитате и кои книжевни класици треба да ги прочитате барем еднаш.

Извор: allwomenstalk.com


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Вљубеничка во книжевноста, музеите и патувањата. Исто како и Борхес, рајот си го замислува како огромна библиотека.

Поврзани содржини

Остави коментар