Претходно
Овошни автопортрети на една 16-годишна фотографка
Со само две и пол години работно искуство, 16-годишната шпанска фотографка Кристина Отеро навистина заслепува со нејзините автопортрети сликани одблизу.
Употребувајќи го овошјето како главна инспирација во нејзината серија насловена „Tutti Frutti“, оваа млада девојка ја нарушува конвенционалната концепција за женската убавина и врши интересно уметничко влијание, употребувајќи го овошјето во заводнички перформанс пред камерата.
Таа ги вовлекува набљудувачите да погледнат во нејзините крупни, невини очи, додека истовремено колоритната шминка идеално се вклопува со бојата и структурата на овошјето.
Отеро има изјавено дека ѝ се допаѓа фотографирањето на човечкото лице, бидејќи како што вели:
„Тоа е како речник од емоции и идеи. Сѐ што сакаш од една личност, го имаш таму, нацртано по целото лице, кое е лесно да се дешифрира.“
Употребувајќи го сопственото лице како платно за цртање, Отеро креира освежувачки фотографии, кои се исклучително атрактивни за човечкото око. Овие автопортрети навистина имаат карактер.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
kreativno 🙂 inace koe e 4toto ovosje od krajot na postot?
Custard Apple се вика 😀