Претходно
Направете сами: Миризлива свеќа од ванила со зрна од кафе
Еве една оригинална и брилијантна идеја за сите љубители на кафето.
Сите страсни љубители на кафето, сега може да го вметнат и во домашниот декор. Комбинацијата на мирис од кафе и ванила е прекрасна. Само за кратко време ќе си направите нешто што навистина ќе му даде топлина на вашиот дом.
Потребно:
- Голема свеќа со мирис на ванила
- Цели зрна кафе
- Силен лепак
Процесот на подготовка е едноставен а резултатите фантастични. Едноставно земете ја свеќата, нанесете од лепакот и залепете ги зрната кафе.
За најдобро да нанесете од лепакот, ставете лепак на парче хартија и нанесете го на свеќата со прсти. Зрната кафе внимателно наредете ги на површината на свеќата со заоблениот дел нанадвор (а пресекот на зрното навнатре). Оставете малку празен простор околу врвот од свеќата.
Запалете ја свеќата и оставете малку да погори за да омекне восокот и врз мекиот восок притиснете неколку зрна кафе (како што е прикажано на сликата).
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
