Фонтани кои го одземаат здивот

Спектакуларни млазеви вода, пријатна музика и безброј светла – сето тоа од една фонтана прави врвно архитектонско дело кое го одзема здивот. Погледнете некои од најубавите од нив.

Магичната фонтана во Монжуик, Барселона

Фонтаната во три концентрични кругови во квартот Монжуик во Барселона е една од причините поради која туристите сакат да го посетат овој град. Тие уживаат гледајќи ја водата како танцува во ритамот на музиката, а светлата само го надополнуваат магичниот впечаток.

Фонтани кои го одземаат здивот

Фонтаната пред Големата дива гуска, Ксијан

Млазови вода скокаат во воздухот во ритамот на музиката пред пагодата Голема дива гуска во кинескиот град Ксијан. Луѓето слободно се шетаат во бајковитата околина помеѓу млазовите распоредени на речиси 17 хектари.

Фонтани кои го одземаат здивот

Фонтаната Дубаи, Дубаи

Фонтаната во Дубаи е уште еден обид на нафтените богаташи да го импресионираат светот. Ова е најголемата, највисоката и најскапата фонтана на планетата, сместена на сред вештачкото езеро пред зградата Бурџ Калифа.

Фонтани кои го одземаат здивот

Фонтана Ди Треви, Рим

Фонтана Ди Треви е според многумина најромантичното место во романтичниот Рим. Верувањето вели дека една фрлена паричка во нејзините води значи дека повторно ќе се вратите во преубавиот град.

Фонтани кои го одземаат здивот

Крунска фонтана, Чикаго

Во Милениумскиот парк во Чикаго е сместена спектакуларната Крунска фонтана, дело на каталонскиот уметник Жауме Пленса. Тоа е впечатлив стаклен блок кој го менува изгледот благодарение на бројните диоди и буквално плука вода на радост на децата кои уживаат во неа.

Фонтани кои го одземаат здивот

Фонтана на богатството, Сингапур

Фонтаната на богатството, сместена во срцето на бизнис центарот во Сингапур, е симбол на сето она што денес претставува градот – богатство, грандиозност и хармонија.

Фонтани кои го одземаат здивот

Фонтаната на месечевото виножито, Сеул

Вкупно 10.000 ЛЕД светилки ги осветлуваат скоковите на млазевите вода од двете страни на мостот Банпо во Сеул. Штом падне ноќта, 1140 метри долгата фонтана започнува да си игра со вода, музика и светло, давајќи му романтичен шмек на градот во кој инаку доминира високата технологија.

Фонтани кои го одземаат здивот

Овалната фонтана, Тиволи

Од сите 500 фонтани во преубавиот Тиволи, најголем впечаток остава фонтаната дел‘Овато. Украсена со винова лоза и „населена“ со мермерни нимфи, таа е прекрасен споменик на италијанската архитектура.

Фонтани кои го одземаат здивот

Белаџо, Лас Вегас

Сопствениците на казиното Белаџо во Лас Вегас ја изградиле оваа фонтана за да привлечат гости во својот објект, но покрај тоа добиле едно од најпознатите обележја на градот.

Фонтани кои го одземаат здивот

Фонтаната на кралот Фад, Џеда

Оваа величествена фонтана е изградена како донација од арапскиот крал Фад. Се наоѓа на брегот на Црвеното Море, а кога времето е мирно исфрла вода во височина поголема од онаа на Ајфеловата кула.

Фонтани кои го одземаат здивот

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар