20 цитати за озборувањето

Сите озборуваат, сите се озборувани и сите знаат дека озборувањето не чини. И покрај тоа, една од омилените активности на секоја кафе пауза е токму тоа. Ако сакате да избегнете ваков муабет следниот пат, дискутирајте за следните цитати кои се обидуваат да ја доловат токму вистината за „трачарењето“.

20 цитати за озборувањето

„Огнот и мечот се бавни средства за уништување во споредба со јазикот на озборувачот.“ – Ричард Стил

„Гласината се вика гласина затоа што не е секогаш вистина.“ – Џастин Тимберлејк

„Озборувањето е уметност со која не се кажува ништо на начин што ништо не останува некажано.“ – Волтер Винчел

„Гласината е радиото на ѓаволот.“ – Џорџ Харисон

„Озборувањето е опиум за потиснатите.“ – Ерика Јонг

„Не губете време во објаснување. Луѓето го слушаат само она што сакаат да го слушнат.“ – Пауло Коелјо

„Гласините брзо се шират, но не опстануваат долго како вистината.“ – Вил Роџерс

„Не е важно што правиш и како го правиш тоа, соседите секако ќе озборуваат.“ – Фелдер Рашинг

„Оној што озборува со тебе, ќе озборува и за тебе.“ – Шпанска поговорка

„Денешната гласина е утрешен наслов во медиумите.“ – Волтер Винчел

20 цитати за озборувањето

„Гласината не мора да е лажна за да биде лоша. Има многу вистини кои не треба да бидат кажани.“ – Френк А. Кларк

„Озборувањето меѓу мажите и меѓу жените звучи различно. Жените зборуваат поживописно, кажуваат повеќе детали и добиваат фидбек.“ – Кејт Фокс

„Ако ја задржам тајната во мене, тогаш таа е мој затвореник. Ако допуштам таа да ми се лизне од јазикот, тогаш јас ќе бидам нејзин затвореник.“ – Артур Шопенхауер

„Гласината е некаква вест која истрчала пред самата себе во убав црвен фустан.“ – Лиз Смит

„Никој не кажува дека сака да озборува, но сите уживаат во тоа.“ – Џозеф Конрад

„Озборување е кога ќе слушнеш нешто што ти се допаѓа за некој што не ти се допаѓа.“ – Ерл Вилсон

„Кукавички е да му судиш на некого кој не е тука за да се одбрани. Само ограничените озборувачи зборуваат за луѓе наместо за нешта.“ – Лоренс Ловасик

„Луѓето не го сакаат озборувањето само кога се однесува на нив.“ – Вил Роџерс

„Тројца можат да чуваат тајна само ако двајца од нив се мртви.“ – Бенџамин Френклин

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар