Топ 10 „аутфити“ за новогодишната ноќ

Топ 10 „аутфити“ за новогодишната ноќ

Автор: Ана Ангелова

Започна новогодишната еуфорија низ градовите. Како и секоја година во овој период, жените, а посебно младите девојки најмногу обрнуваат внимание на облеката што ќе ја носат на новогодишната ноќ. Тоа е нешто посебно што треба внимателно да се одбере. Секако, секоја девојка посакува да биде најубава, па еве 10 предлози коишто би можеле да ви помогнат во изборот на облеката.

Топ 10 „аутфити“ за новогодишната ноќ

1. Светкав фустан

Тренд којшто почнува да ги освојува модните писти и светските метрополи на модата. Светкавиот фустан кој на него има безброј мали светкави парченца е совршен за новогодишната ноќ. Во него не само што ќе бидете шик и тотално модерни, туку и ќе бидете во центарот на вниманието.

Топ 10 „аутфити“ за новогодишната ноќ

2. Мини здолниште со карнери и топ маичка

Совршена комбинација за оние коишто сакаат да бидат модерни и истовремено да се чувствуваат лежерно во облеката што ја носат. Доколку се одлучите за ваква комбинација, потребно е маичката да биде едноставна (како на сликата подолу). За да ја „освежите“ комбинацијата можете да додадете и болеро.

Неутрална шминка на оваа комбинација би изгледало совршено. Се препорачува маичката да биде внатре за да не се покрива мини здолништето со што се добива и подобар изглед.

Топ 10 „аутфити“ за новогодишната ноќ

3.Тантела

Оние кои обожаваат сè што има тантела, ова е полн погодок за нив. Црн, бел или црвен фустан… без разлика каква боја ќе одберете, ако има тантела, ќе изгледате сексапилно, заводливо и моќно. Со ваков фустан, ќе заведувате машки очи цела вечер. Ваквиот „аутфит“ не заборавајте да го комплетирате со високи потпетици, а совршени би биле и оние со голема платформа.

Топ 10 „аутфити“ за новогодишната ноќ

4. Опуштено

За оние кои сакаат да имаат добра забава на новогодишната ноќ и да се чувствуваат лежерно, опуштено и „кежуал“, најдобар избор се плетените туники или пак топлите фустанчиња коишто личат на туники. Не грижете се, доколку изберете ваков тип „аутфит“ нема да погрешите. Би било добро доколку под туниката облечете хулахопки во боја. Така нема да изгледате дека сте сакале да бидете „кежуал“, туку повеќе ќе оставате впечаток како да велите „сакам да сум секси“.

Топ 10 „аутфити“ за новогодишната ноќ

5. Фустан на едно рамо

Еден од најпопуларните модни трендови што направи бум во модата… Нема некоја позната личност која не облекла ваков фустан. Од Ким Кардашијан, Тејлор Свифт, па сè до „Очајните домаќинки“. Нема да погрешите доколку изберете ваков тип фустан и го искомбинирате со балетанки или високи потпетици.

Топ 10 „аутфити“ за новогодишната ноќ

6. „Ледена убавица“

Замислете, влегувате во објектот и гледате сите избрале темни бои на облека. А вие бело, снежно бело. Какво освежување би направиле таа вечер. Изберете ваков тип фустан или мини здолниште и ќе бидете посебни.

Дополнете со мала плик чанта или мала чанта на рамо со тенки прерамки до вашата половина. Најубава комбинација би била со свилени беж боја хулахопки, чанта на рамо, балетанки во светла боја (никако чизми) и мала бела лента во косата. Комбинација WOW.

Топ 10 „аутфити“ за новогодишната ноќ

7. Огнено црвено

Ова е за оние похрабрите, посмелите и за оние коишто сакаат да се во центарот на вниманието. Најдобро би било да изберете краток црвен фустан со длабоко деколте. Машките очи нема да се тргнат од вас.

Топ 10 „аутфити“ за новогодишната ноќ

8. Безвременско шаренило

Без разлика дали ќе станува збор за мини здолниште, фустан, туника… ова е полн погодок ако се одлучите за ваков тип. Дали ќе има асиметрични фигури на него, цветен дезен или какви било шари, сеедно. Но, без претерување, инаку би испаднало кич. Еве една комбинација во која доаѓаат до израз сите ваши облини.

Топ 10 „аутфити“ за новогодишната ноќ

9. Долги, елегантни фустани

Овие безвременски парчиња облека ќе ве направат да се чувствувате како некоја позната ѕвезда која што ќе свети цела ноќ. Најдобро би било да се одлучите за црната, белата, црвената или темносината боја. И секако, треба да внимавате да нема многу детали на него. Колку помалку детали, толку повеќе овој фустан ќе ве прави како ѕвезда. Можете да се одлучите за фустан со тул или без. Доколку се одлучете фустанот да биде со тул, подобро не избирајте бела боја и внимавајте да нема многу слоеви бидејќи во спротивно можете добиете ефект на „невестински фустан“.

Топ 10 „аутфити“ за новогодишната ноќ

10. Разни стилови

Како последен предлог за новогодишен „аутфит“, еве уште неколку видови фустани: тесни, фустан со паднат ракав за позатворени жени, нешто „покежуал“.

Топ 10 „аутфити“ за новогодишната ноќТоп 10 „аутфити“ за новогодишната ноќТоп 10 „аутфити“ за новогодишната ноќ

Кој стил би го избрале вие за новогодишната ноќ?


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

  1. Теа Reply

    Има превод на македонски за outfit 🙂 не гледам зашто би се користело “аутфити“

  2. Ana Reply

    јас сепак мислам дека е подобро да се употребува зборчето аутфит бидејки се употребува и во македонски списанија, весници што се поврзани за мода, по македонските сајтови и многу дизајнери го употредуваат тоа зборче и мислам дека изгледа по стилски ако може да се каже, a кое е тоа друго зборче ако може да знам јас друсо зборче само знам како ОБЛЕКА, инаку нема веза кој како сака :):)

Напиши одговор на Теа Откажи одговор