Магија од вкусови: Чоколадна торта од палачинки со вкус на портокал

Ако сте љубители на палачинките, овој рецепт е совршен за вас

Магија од вкусови: Чоколадна торта од палачинки со вкус на портокал

Потребни состојки:
  • 125 грама брашно
  • 250 милилитри млеко
  • 7 јајца
  • 2-3 лажички ванилин шеќер
  • 2 лажички путер + 30 грама путер
  • 250 грама кокосово масло
  • 300 грама црно чоколадо
  • 250 грама шеќер
  • 2 лажици ликер од портокал
  • 100 грама павлака
  • Кора од портокал, изрендана
Начин на подготовка:

Во еден сад ставете ги брашното, млекото, 3 јајца и ванилинот шеќер и мешајте сè додека не добиете мазна смеса. На тава, претходно намачкана со путер и загреана, почнете да ги правите палачинките така што ќе одвојувате по околу 1/8 од тестото за секое парче. Печете околу 1 минута, а потоа свртете ја палачинката и продолжете уште 30 секунди. Повторете го ова и за останатите 7 палачинки.

Растопете го маслото од кокос на оган и потоа исечкајте 150 грама од чоколадото и додајте го во маслото заедно со 4 јајца, 200 грама шеќер, изренданата кора од портокал и ликерот. Варете на кратко, со постојано мешање, а потоа тргнете го од ринглата. Оставете ја смесата да се олади, а потоа поставете една палачинка, намачкајте ја со неа, па над неа наместете уште една палачинка и продолжете да го правите ова сè додека не ја наредите 7-та. Кога ќе завршите, притиснете ги со нешто палачинките и потоа оставете ги саат време во фрижидер.

За да ја направите глазурата, измешајте ги павлаката и путерот, а потоа ставете ги на оган. Откако ќе се стопат, тргнете ги од ринглата, исечкајте го преостанатото чоколадо и растопете го во павлаката. Откако малку ќе се олади, во тенџере ставете 50 милилитри вода и 50 грама шеќер, зовријте го и потоа измешајте го со смесата. Со добиената мешавина прелијте ја тортата од палачинки.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар