Претходно
3 водечки трендови за шминкање за ова лето
Летото пристигна и време е да се свртите кон светлите бои и кон некои малку поинтересни начини на шминкање. Оваа сезона, најпопуларно е истакнувањето на очите, како и играњето со формите. Еве кои 3 трендови за шминка ќе доминираат ова лето:
1. Диви веѓи
Полните, густи, разбушавени веѓи се голем тренд во последните неколку сезони. Суштината е во тоа што тие изгледаат природно и малку неуредно, а како такви ѝ даваат карактер и израз на секоја личност.
2. Зелена боја на очните капаци
Ова лето, зелената боја на очните капаци стана голем хит и лесно ќе најдете сенка што ќе одговара на тенот на кожата и на бојата на косата, бидејќи ќе се носат различни нијанси – од смарагдна и зелена боја како бојата на тревата до пастелно зелена и неонска зелена боја.
3. Геометрија
Клучот за овој изглед е бојата што ќе ја нанесете на очните капаци да биде неутрална, односно во бојата на кожата и да ја декорирате со геометриски дезени со ајлајнер во црна или во друга боја по ваш избор. Може да си играте со овој тренд и да комбинирате ајлајнери за очи во неколку бои, да ставите точки, дискретни, тенки или подебели линии.
Погледнете кои модни трендови ќе бидат популарни ова лето.
