Претходно
Најоригиналната идеја до сега: Книга-сеф во чија внатрешност се крие слатко изненадување
Датум: 01 фев 2016
Коментари: 0
Се ближи денот на вљубените, роденденот на вашата најдобра пријателка, годишнината од бракот на вашите родители, а вие не знаете што да им подарите? Сакате тоа да биде нешто оригинално, уникатно и ваше ремек-дело. Тогаш, погледнете ја оваа интересна идеја. Станува збор за книга-сеф во чија внатрешност се крие слатко изненадување. Следете го упатството и за кратко ќе го имате совршениот подарок за вашите најмили!
Потребни материјали:
- Книга со дебели корици (нека биде некоја стара книга која никогаш не ви се допаѓала)
- Лепило за хартија и четка
- Скалпел и линијар
Чекор 1: Страниците од книгата премачкајте ги со лепилото за хартија и оставете ги да се исушат.
Чекор 2: Користете линијар и скалпел за да ја исечете средината на првите неколку страници…
…а потоа издлабете ги останатите страници, за во книгата да се формира вдлабнатина.
Можете да ја оставите вака или пак да ги премачкате и внатрешните рабови со лепило за да изгледа уредно.
Ставете во сефот интересни ситници, спакувајте го подарокот во декоративна хартија и очекувајте позитивна реакција од вашите најблиски
