Претходно
7 совршено легитимни изговори да гледате глупаво реално шоу
Сигурно сите вие барем еднаш сте се нашле во ваква ситуација. Едноставно менувате по каналите, барајќи нешто интересно за гледање, но бидејќи не наоѓате ништо почнувате да гледате реално шоу. Колку да ви помине времето. Но, одеднаш работите ви бегаат од контрола и вие сте инстантно навлечени на него. Погледнете ги следниве изговори кои го објаснуваат вашето однесување во случај некој да влезе во собата пред да имате можност да го промените каналот…
1. Чиста љубопитност
Веќе сте изгледале 3 епизоди и сега едноставно мора да дознаете што ќе се случи со бремената тинејџерка или пак, голиот преживеан.
2. Наивен оптимизам
На почетокот навистина ви се видело како забавно/интересно/страшно шоу, па токму затоа и сте сигурни дека во секој момент ќе се врати овој првичен сјај.
3. Се плашите дека ќе пропуштите нешто важно
Ако не гледате, за што ќе зборувате со вашите колеги за време на ручекот?
4. Валидација на вашите животни избори
Гледајќи ги овие личности, вие се чувствувате многу подобро за вас и вашиот живот. Иако имате проблеми, не ви делуваат толку нерешливи како оние на ликовите од малите екрани.
5. Научно истражување
Вие правите навистина многу важно истражување. Којзнае, еден ден можеби навистина ќе отидете до Њујорк со цел да купите венчаница од 10.000 долари.
6. Дневна доза драма
Вие и вашите пријатели сте толку здодевни и фини едни кон други што едноставно почнува да ви станува монотоно. Толку ли е тешко тие да прават глупости со цел да имате за што да зборувате следен пат кога ќе се видите?
7. Психолошка анализа
Осудувањето… Не, сакавме да кажеме, анализирањето на другите е вашата омилена работа пред спиење. И зарем има подобар начин да го правите тоа од гледање глупаво реално шоу?
