Претходно
10 неверојатни фотографии од животни скриени под Арктичкиот мраз
Има илјадници животни кои егзистираат под големите слоеви мраз на Арктикот. Некои од нив изгледаат многу чудно и морничаво, што дури може да се поистоветат со вонземски суштества. Други се микроскопски, односно не се видливи со голо око. Едно е сигурно, какви и да се, живеат многу далеку од нас, во прилично сурови животни средини, па освен на фотографија не можеме да ги видиме на друг начин.
Националната агенција за океански и атмосферски истражувања направи експедиција во Канадскиот базен, собирајќи информации за промените на глобалната клима и се врати со следниве фотографии:
.
1. Crossota
Оваа брилијантна мала медуза целиот свој живот го поминува како воден планктон.
2. Eusirus holmii
Овој вид спаѓа во групата на раковидни животни без оклоп и е најден на 2.000 метри длабочина, како и под површината на мразот.
3. Hymenodora glacialis
Овие убавици се единствените пеларгични морски ракчиња кои живеат во Канадскиот базен.
4. Copoped
Овој машки вид раковидно животинче (copepod=нозе во форма на лопатка) е познат по својата екстра долга опашка и големите антени. Машките видови немаат голем животен век.
5. Морска ѕвезда
Прекрасна морска ѕвезда извадена од дното на морето. Тие се клучни видови и имаат огромен ефект врз околината и екологијата. Секако ќе ја споменеме и нивната способност за регенерација.
6. Amphipod (раковидни животни)
Ова е сè уште непознат вид ракче кое е фатено на 1.000 метри длабочина.
7. Мекотелци
Овие школки-бивалвии потекнуваат од дното на океанот, а можат да се извадат со помош на дупчалките кои бушат директно во дното на океанот.
8. Cione
Овој вид спаѓа во групата на морски мекотелци и се нарекува морска пеперутка. Опстојува на површината на водата.
9. Larvacean
На оваа фотографија е прикажан непознат вид од редот на туникати (мантиести животни), кои претставуваат планктонски видови.
10. Aulococtena
Овие видови живеат на длабочина 350-1.000 метри и се со големина и боја на портокал. Имаат и две лигави пипци кои се забележуваат на сликата.
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Лигавооо :Ѕ