Претходно
Дали иднината на архитектурата лежи во т.н. живи куќи?
Home alive е нов проект на тим од експерти кои се дел од американската непрофитна организација за уметност, архитектура и урбан дизајн Terreform one, посветени на одржлив дизајн во хармонија со природата, и како што велат „еколошка и социјална правда за сите живи суштества“.
Кога станува збор за иднината на архитектурата и употребата на природни материјали во изградбата на домови, Terreform one оди чекор напред со цел да изгради услови за домување кое буквално нè враќа на нашите корени. Една од главните карактеристики на овие домови е нивната самоодржливост и долговечност.
Главната замисла на архитектите е домовите да се интегрираат во еколошка урбана заедница со помош на специјално дизајнирани структури, компјутерски програми, автохтони дрвја и дрвенести растенија. Живата куќа ќе расте со текот на годините, а столбовите на објектот направен од скелиња ќе ги насочи дрвјата да растат во посакуваната насока.
Преку своите проекти, Terreform one сака да помогне во борбата против исчезнувањето на автохтоните видови и да ја подигне свеста за можностите што ги нуди новата технологија во корист на планетата и идните генерации.
Откако прочитавте за т.н. живи куќи, можеби ќе ве интересира да прочитате и за куќата со необичен покрив и дизајнирана со математички алгоритам.
Извор: punkufer.dnevnik.hr
