Што и кога ни тргна наопаку?

Што и кога ни тргна наопаку? Да успориме за момент и некако да се освестиме за тоа кои се вистинските вредности во животот, зашто има нешто, што сè уште не е откриено што точно е, но тоа нешто сите нас нè води во некаква погрешна насока.

  • Кога нашите среќни мигови почнаа да зависат од пари?
  • Кога почнавме да излегуваме со главна цел да бидеме видени?
  • Од кога секој трет си замислува дека е филмска ѕвезда?
  • Кога почна секој да се декларира себеси онака како што сака, иако не вложил ни малку труд во она што сака да биде?
  • Кога ù се покоривме на омразата и зависта?
  • Дали сме вистински другари?
  • Колку сме искрени кон самите себе и светот?
  • Каде исчезна сонот на малечкото дете дека може да биде промената која сака да ја види во светот?
  • Кога почнавме да им се покоруваме на непишаните правила кои не ги сакаме?
  • Зошто почнавме да се сликаме за на Фејсбук, наместо за добри спомени?
  • Од кога местата за излегување се претворија во натпревар на модните писти, наместо во места за добра забава?
  • Кога потрагата по совршеното почна да нè заслепува?
  • Нели сме ние младата генерација која може да донесе промени?
  • Кога заборавивме да се заблагодаруваме за секоја ситница?
  • Кога се случи да заборавиме искрено на некого да му посакаме „Добар ден“?
  • Зошто „мрчаторското“ надвладеа со нас?
  • Во кој момент од нашето постоење погрешните работи ни станаа примарна цел во животот?

Се живее за да се создаде иднина, за добри пријатели, луди журки, искрени насмевки, за скокоткањата во срцето… За сончевите, а и за тмурните утра, за погледите на саканите, за прегратки, за солзи-радосници, а и за оние помалку радосни солзи… Се величи мудроста, среќата и успехот, храброста и одлучноста. Се почитува човечното и пружената рака. Никогаш не заборавајте го ова!


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

Остави коментар