Претходно
Победете ја попладневната дремка
Автор: Зорица Тодорова
Паузата за појадок ви заврши, го испивте второто кафе за денес и токму кога треба да бидете најпродуктивни, вие не можете да престанете да се проѕевате. Чувствувате како енергијата полека ви опаѓа и најрадо би сакале сега да отспиете барем половина час. Овие брзи и едноставни трикови би требало да ви помогнат да ја надминете дремката што ве напаѓа и брзо да се вратите во колосек.
Изедете банана
Нови истражувања покажуваат дека бананите се богати со јаглехидрати и хранливи состојки како калиумот кои ви даваат енергија многу повеќе од енергетските пијалаци.
Превртете се наопаку
Овој трик ја менува вашата циркулација и ве буди: како што седите на стол ставете ја главата меѓу нозете. Оставете ги рацете да висат на подот околу 20 секунди и потоа полека исправете се.
Напијте се зелен чај
Овој вид чај содржи кофеин и теин, аминокиселина која помага во смирување на вашиот нервен систем. Како резултат добивате постепено освежување наместо остар шок.
Штипнете се за образите
Вашата баба сепак била во право. Притисокот врз образите го стимулира крвотокот во вашето лице што веднаш ве прави будни.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
