Еве зошто е добро да ги запалите работите на вашиот поранешен партнер

Ова е метод кој навистина може да ви помогне кога патите и не можете да го заборавите поранешниот дечко.

eve-zoshto-e-dobro-da-gi-zapalite-rabotite-na-vashiot-poraneshen-partner-kafepauza.mk

Пред да почнете, прво треба да запомните дека се работи за дечко кој ве изневерил или ве повредил на друг начин, а второ се зборува за палење во сигурни услови кои нема да предизвикаат никаква опасност за вас и околината.

1. Се ослободувате

Како што писмата, сликите, неговата четка за заби или неговата маица, постепено ќе исчезнуваат во пламенот, така ќе почувствувате како од грлото ви исчезнува кнедлата која ви правела притисок и потоа ќе можете длабоко да земете здив.

2. Минатото останува во минатото

Ритуалот на палење, во многу култури означува крај на еден живот и почеток на нов. Самото горење на работите од вашиот поранешен партнер може да го означува завршетокот кој ви е потребен за да продолжите напред во животот и да се концентрирате на иднината.

3. Можете да продолжите понатаму

Кога ќе сфатите дека нема ништо физичко што ќе ве потсетува на него, едноставно ќе завртите нов лист и без пречки ќе почнете да правите планови за својата иднина.

4. Може да биде забавно

Покрај тоа што ја чистите душата од „лоши емоции“, палењето на работите кои му припаѓале на поранешниот партнер, може да биде и забавно. Посебно ако ги повикате вашите другарки да ви се придружат и после тоа да организирате заедно мала забава со која ќе го прославите дефинитивниот крај.

За авторот
Верува во луѓето и сака да ги разбира. Музиката – страст, кафето – љубов. Позитивна личност и ја гледа добрата страна и во најлошите работи. Невозможното е возможно кога ќе се открие вистинскиот пат.

Поврзани содржини

Остави коментар