Баклава со Нутела

Највкусната баклава што некогаш сте ја пробале

Баклава со нутела

Потребни состојки:
  • 12 лажици мед
  • 120 мл вода
  • 1 стапче цимет
  • 300 г крем Нутела
  • 60 г печени лешници, исечкани
  • 60 г фстаци, исечкани
  • 45 г печени бадеми, исечкани
  • 35 г печени ореви, исечкани
  • ½ лажиче цимет во прав
  • 1/8 лажиче сол
  • 100 г несолен путер, растопен
  • 24 замрзнати кори
  • спреј за готвење
Начин на подготовка:

Медот, водата и стапчето цимет ставете ги во едно тавче на тивок оган, додека не се растопи медот. Потоа, зголемете ја температурата и гответе без мешање уште 7 до 10 минути. Тргнете ја тавата од оган и оставете ја покриена за да се одржи топлината. Од смесата извадете го стапчето цимет.

Рерната загрејте ја на 180 степени Целзиусови. Нутелата ставете ја 45 секунди во микробранова печка за да се растопи. Во друг сад ставете ги сите јаткасти плодови, солта и циметот и убаво измешајте.

Испрскајте ја тавата за печење со спреј за готвење. Врз тавата ставете една кора и намачкајте ја со путер користејќи четка. Постапката повторете ја со шест кори, а врз нив намачкајте една третина од нутелата во рамномерен слој. Одозгора распоредете една третина од јаткастите плодови. Потоа повторете ја постапката, завршувајќи ја баклавата со шест кори на врвот. На крајот, нежно притиснете одозгора.

Со остар нож, исечете ја баклавата на 24 еднакви парчиња. Печете ја 35 минути, додека корите не станат златнокафени. Извадете ја од рерна и полијте ја со медот. Чувајте ја на собна температура во кутија која се затвора од сите страни.

Баклава со нутела Баклава со нутела

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

  1. Biljana Reply

    Ne ja napraviv so med I cimet zatoa sto nemav med pa ja posipav so stariot dobar serbet,no mora da primetam deka tesko bese da se razmacka nutelata iako bese rastecnata! I Na krajot – vkusot na Nutella voopsto ne se cuvstvuvase poradi raznoraznosta od jackasti plodovi pa mozese da pomine so bilo koe cokolado! Izvinete ne sakav da go unistam reseptot so kritika zatoa sto I jas mrazam sarkasticni domakinki tuku sakam da znam Dali zgreshiv nekade!

Остави коментар