Претходно
Освежете го изгледот на вашите полици
Датум: 07 сеп 2013
Коментари: 0
Кога избираме полици за нашиот дом или за нашата канцеларија, обично гледаме да бидат функционални и да можат да се вклопат во просторот кој е предвиден за нив. Но, тоа не значи дека тие треба да изгледаат класично, па дури и здодевно. Еве неколку идеи како да го освежите изгледот на вашите полици.
Држачи од кожа
Тргнете ги држачите и закачете парчиња кожа. Без разлика дали ќе употребите стари ремени или ќе исечете парчиња од вистинска или од вештачка кожа, овие лентести додатоци ќе изгледаат одлично во комбинација со обични дрвени или бели полици.
Рабови во друга боја
Можете да изберете да ги офарбате во иста боја или да направите контраст со златна. Уште помалку напор ќе ви треба ако купите украсен селотејп и го залепите врз рабната површина.
Нагласување со одредени бои
Нетретираното дрво со бои и лакови е како сунѓер за боја, што пак е супер предуслов за успех на вашиот направи сам проект. Ваквите полици се евтини, а само вашата креативност ве спречува до нивниот впечатлив и уникатен изглед.
Полица од гранка
Ова е одличен начин да добиете екстра простор за закачување на вашите кујнски додатоци. Пикнете гранка или цевка низ држачите на полицата и користете ги малите гранчиња за да ги закачите вашите ножици, црпалката за супа и сл. Доколку немате доволно разгранети делови од гранката, додадете големи закачалки во форма на буквата „Ѕ“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
