Претходно
10 места кои не можете да ги видите на Google Maps
Сакате одблиску да ја видите Ајфеловата кула, но во скоро време нема да бидете во можност да отидете во Париз? Во тој случај Google Maps е одлично место за виртуелно патување ширум светот. Но, не сите интересни знаменитости се јасно видливи преку оваа платформа. Некои слики се заматени и искривени поради безбедносни причини.
Тоа значи дека доколку сакате да прошетате низ градовите во Северна Кореја преку Google Maps, нема да можете. Исто така заматена е и кралската палата во Холандија, па дури и електричната централа во рамките на Универзитетот Корнел во Итака, Њујорк.
Кога Google Maps најпрво беше лансиран, сликите од Белата куќа и седиштето на американскиот конгрес во Вашингтон беа заматени, но денес веќе може јасно да се видат. Погледнете кои локации и знаменитости сѐ уште се заматени и не можеме да ги набљудуваме при виртуелната прошетка низ светот.
1. Кралската палата во Холандија
Кралската палата во Амстердам, Холандија која се нарекува „Koninklijk Paleis Amsterdam“, е една од оние места поврзани со холандското кралско семејство кои имаат заматени слики на Google Maps. Покрај палатата, не можете да ги видите ниту кралските штали и уште еден дворец кој се нарекува „Huis ten Bosch“.
2. Меѓународниот аеродром Бафало Нијагара
Меѓународниот аеродром Бафало Нијагара е избелен во најголем дел и дури и кога ја зголемуваме сликата не можат да се видат детали.
3. Националниот парк Тантауко во Чиле
Националниот парк Тантауко на Google Maps може да се види само како маркер кој покажува на неговата местоположба. Приватниот природен резерват е дом на многу загрозени видови животни.
4. Браната Киови во Јужна Каролина
Резерват на езерото Киови во Јужна Каролина кои бил изграден од луѓето исто така не може чисто да се види на Google Maps. Браната во форма на новогодишна елка е дел од една компанија за производство на електрична енергија.
5. Мистериозно место во Русија
Никој не е сигурен зошто е заматена оваа локација која се наоѓа во сибирската тундра. Најблискиот град до ова место е Егвекинот во Русија, кој од Алјаска го дели само Беринговиот проток.
