Спектакуларен хотел под вода на Малдивите

Сподели

Спиењето под вода помеѓу живиот воден свет, е нешто за кое секој од нас би можел само да сонува. Но за некои среќни туристи, со „подлабоки џебови“, овој сон сега може да постане реалност.

Спектакуларен хотел под вода на Малдивите

Пред нешто повеќе од пет години хотелот Конрад Малдиви, кој се наоѓа на островот Рангали, го отвори првиот ресторан под вода. За да ја прослават петгодишнината, сопствениците сега на нивните гости им ја нудат можноста, не само да ручаат гледајќи во морското совршенство, туку и да заспиваат гледајќи во распливаните рипчиња. Ресторанот со дванаесет места за седење, кој се наоѓа на 5 метри под нивото на Индискиот океан, беше преобразен во приватна спална соба за двајца, во која на гостите им се носи шампањско, вечера и појадок во кревет. Погледот кон живописниот корален гребен низ чистиот таван од плексиглас, просто го одзема здивот.

Спектакуларен хотел под вода на Малдивите

Ресторанот пак, покрај тоа што нуди неверојатна глетка која најверојатно никогаш нема да исчезне од вашите спомени, располага со богато мени од малдивската кујна. Исто така, се шират гласини дека за време на ручек, во ресторанот е толку светло, што гостите и персоналот мораат да носат очила за сонце. Вработените дури носат резервни очила за сонце в рака и нудат услуга за нивно забришување. Звучи неверојатно, но сигурно ќе се сложите дека гледањето на изгревот на Сонцето со појадок во кревет или вечерањето во друштво со Месечината е уште поспектакуларно искуство!?

Спектакуларен хотел под вода на МалдивитеСпектакуларен хотел под вода на Малдивите

Остатокот од одморалиштето кој е над океанското ниво, исто така не е воопшто мизерен. Овој хотел лоциран на Малдивите може да се пофали со 50 луксузни вили во вода, 79 вили на плажа и 21 фабулозни спа-вили во вода, со приватни соби за третмани. Воодушевувачките апартмани за летување, се опколени со прекрасен двор, со фонтана, а огромната рајска тераса покрај океанот, уште повеќе го зачинува тропскиот „шмек“, покрај стаклените врати кои се замена за ѕидови и генијалното уредување кое обезбедува тотална изолација од остатокот од светот. Епа, доколку навистина постои Рај, тогаш дефинитивно би изгледал вака.

Спектакуларен хотел под вода на МалдивитеСпектакуларен хотел под вода на МалдивитеСпектакуларен хотел под вода на МалдивитеСпектакуларен хотел под вода на Малдивите

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

  1. Mihaela Reply

    uf sto uboo…. i kolku e edna vecer ovde?

  2. ruzica Reply

    Kolku cini zadovolstvovo ??

  3. Katerina Reply

    Јас тука око нема да можам да склопам :S

  4. daniel Reply

    tuka rezervirav 7 dneven odmor za ovaa godina….ne koshta mnogu,isto kako u ohrid,edna vecer 350 denari :)))))

  5. suzana Reply

    ostanav zanemena pred volku ubavina.

  6. Elena Reply

    Tuka vecherash i 2-3 ajkuli ti visat nad glaa ligite mu techat :P

  7. veljo Reply

    hibridna ubavina

  8. Име Reply

    Последната слика не е од Малдиви, таму нема планини :)
    Најверојатно е од Бора Бора

Остави коментар