Претходно
Освежителен овошен коктел со јагоди, грозје и лимета за топлите и долги летни денови
Сè што ви е потребно ова лето за освежување
Потребни состојки:
- 50 грама јагоди
- 50 грама црно грозје
- 50 грама бело грозје
- 200 милилитри сок од лимета, свежо исцеден
- 1 лимон исечкан на тенки кругови
- Листови нане
- Лед
Начин на подготовка:
Измијте го свежото овошје и ставете го во блендер. Потоа додајте го сокот од лимета заедно со неколку коцки лед. Немојте да матите на најголема брзина бидејќи ќе ви се направи пена и внимавајте да не матите повеќе од 3 минути од истата причина.
Пред послужување, добро разладете го пијалакот и во бокалот ставете ги круговите лимон, заедно со листовите нане што ќе му дадат на пијалакот дополнителна свежина.
Бонус совет: Ако не сакате да ви останат кори од грозјето, последните 10-тина секунди матете на најголема брзина, а потоа сипете го пијалакот во бокал и веднаш додајте повеќе лед за да спречите формирање пена.
Погледнете ги и овие 10 одлични финти со овошје кои можете да ги испробате дома.
