К’на – природна боја која ја негува косата!

К’на – природна боја која ја негува косата!

К’ната е билна боја за коса, која кога е во цврст облик дава црвенкасто-портокалови тонови. Освен што ја бојадисува косата, к’ната ја негува кожата на главата и создава заштитен слој кој спречува штетните супстанци да навлезат во влакното и ја чува од сушење. Индијките, кои се сметаат за жени со најубава коса, ја бојадисуваат и негуваат својата коса со к’на, но исто така таа им служи за украсување и цртање симболички цртежи на дланките и стапалата во специјални прилики.

2-kna-prirodna-boja-koja-ja-neguva-kosata-www.kafepzuza.mk_

К’ната (хена) е билка сомелена во прав со зелена боја, кој има карактеристичен мирис на сено. Црвениот пигмент е „скриен“ во хлорофилот и се ослободува тогаш кога ќе се подготви смесата за бојадисување.

Вистинската природна к’на, без додатни хемиски супстанци ја бојадисува косата во црвенкасто-портокалови тонови, чиј интензитет зависи од тоа каква е вашата природна боја на коса. К’ната продира во влакното, а пигментот се зајакнува со долготрајна употреба.

Може да се постигне потемна нијанса ако користите црн чај наместо врела вода, а доколку имате многу седи влакна, тие ќе се бојадисаат во интензивно портокалови нијанси и ќе се двојат од останатата коса, која доколку е потемна ќе добие боја на костен со црвеникав отсјај.

3-kna-prirodna-boja-koja-ja-neguva-kosata-www.kafepzuza.mk_

К’ната ѝ дава раскошен сјај и мекост, ја храни, негува и бои косата, а доколку сакате таа да не биде во црвни тонови, изберете помеѓу црна, кафеава или руса к’на, но треба да знаете дека тоа не е вистинска к’на. Таа е помешана со некои други состојки, кои можеби не се природни, иако тоа не го пишува на пакувањето.

Природни состојки кои ја менуваат бојата на к’ната се: шафран (за златен отсјај), карчак, вашма и индиго за црна коса со син отсјај, како и мешавина на амела, орев, ребарбаре, индиго и к’на и други билки кои не се штетни за косата.

Синтетичките пигменти кои се додаваат во к’ната се штетни, а доколку со пакувањето доаѓа некој вид хидроген, треба да знаете дека не станува збор за природна к’на. Единствен „хидроген“ за вистинската к’на е врелата вода, во која може да додадете црн чај, за потемна или чај од хибискус за интензивна црвена нијанса.

4-kna-prirodna-boja-koja-ja-neguva-kosata-www.kafepzuza.mk_

Еве кратко упатство за подготовка на к’ната:
  1. К’ната се нанесува на измиена, влажна коса.
  2. Разматете ја во мал сад, додавајќи врела вода, додека не направите паста која по својот изглед и густина потсетува на кал.
  3. Додека ја мешате к’ната (не смета ако се направат грутки) смесата ќе се излади, доволно за да не биде премногу жешка, а да остане доволно топла додека ја нанесувате.
  4. Обидете се да ја нанесете брзо, пред да се излади.
  5. Ставете ракавица и нанесувајте ја како да сакате со таа смеса да ја измиете косата – чешелот нема да ви биде од корист, па бојадисувањето спроведете го со помош на прстите.
  6. К’ната треба да ја држите ја најмалку 2 часа, односно додека смесата не се излади. Тоа време ќе го продолжите (што подолго стои, тоа подобро) доколку косата ја завиткате во весници (ќе ви бидат потребни од три до четири слоја), преку кои ќе ставите кеса, а потоа ќе ја заврзете во марама.
  7. Врз сето тоа можете да ставите и капа. На овој начин топлата смеса ќе се задржи на вашата коса и до 4 часа. После тоа мијте ја долго и темелно – шампонирање не е потребно.
  8. Штом еднаш ќе ја бојадисате вашата коса со к’на, нема лесно да можете ја промените бојата, доколку не сте задоволни. Потребно е некое време да се измие к’ната и да се изгуби ефектот на заштитен слој.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

  1. tiffany Reply

    ne nema lesno da ja izvadite knata, tuku ic nema da ja izvadite.. ednas se napraiv crna so kna i posle nekolku meseci sakav da si ja vratam bojata na mojata kosa so dekolorant na frizer. rezultatot beshe uzhas. kosata mi bese sarena, portokalovi, bordo i crveni prameni. potoa ja isfarbav so kafeava farba ama ne mi fati, i posto ne sakav dopolnitelno da ja goram kosata (bidejki od dekolorantot mi se unisti), ja ostaviv da mi rasne i setav sarena, pa eve sega mi porasna do pola kosa mi e mojata, drugoto e zolto, osvetleno od sonceto letovo i mi lici sega na ombre..
    zatoa koj planira da se farba so kna, ne mu preporacuvam da go napravi toa, zaso posle nema vrakjanje na sopstvenata boja na kosa, dodeka ne izrasne svojata..

Напиши одговор на tiffany Откажи одговор