Претходно
Како да ги негувате стапалата со помош на Листерин – средство за плакнење на устата
Многу луѓе тврдат дека Листеринот помага во отстранувањето на габичните инфекции на нозете, третирањето на сувите и испукани петици и во отстранувањето на плускавците и на лошиот мирис на стапалата. Дали е можно обичната вода за плакнење на устата да е толку ефикасна? Одговорот е да, а состојките што се наоѓаат во Листеринот се всушност тие што помагаат при овие проблеми.
- Метил салицилатот е хемиски сличен на салицилната киселина, која се користи за правење пилинг на лицето.
- Бензоевата киселина спречува раст на микроорганизмите.
- Тимолот, ментолот и еукалиптолот имаат антифунгални својства и се корисни за луѓето кои имаат габични инфекции на прстите.
Средството за миење на устата помага во чистењето на стапалата и го спречува растот на микробите. Го отстранува непријатниот мирис на стапалата и создава чувство на свежина и мекост. Но, пред да посегнете по оваа течност, откријте како треба да ја користите за нега на стапалата.
Оцет и Листерин
Една чаша Листерин и половина чаша оцет (јаболков или алкохолен) се мешаат и се додаваат во сад со еден литар млака вода. Натопете ги нозете во овој раствор и оставете ги да стојат околу 30 минути. Користете турпија за да ја отстраните мртвата кожа од петиците. Измијте ги нозете и избришете ги со крпа, а потоа ставете крем за стапала.
Бикарбона сода и Листерин
Измешајте две лажици сода бикарбона со една чаша Листерин. Додајте ја оваа смеса во сад со еден литар млака вода. Потопете ги стапалата и почекајте околу 30 минути. Користете турпија и отстранете ја мртвата кожа од стапалата. Исплакнете со ладна вода и исушете ги.
Епсом сол и Листерин
Треба да турите една чаша течност Листерин во еден литар млака вода, а потоа да додадете 3/4 чаша Епсом сол во таа смеса. Ако сакате, можете да додадете и 2 капки есенцијално масло од лимон или роза. Натопете ги нозете и чувајте ги во растворот околу 30 минути. Потоа, исплакнете ги со ладна вода и избришете ги со крпа.
Прочитајте како да ги спречите најчестите проблеми со стапалата.
