Според научник од Оксфорд, одењето на училиште и работа пред 10 часот е слично на мачење

Научникот доктор Пол Кели од Универзитетот Оксфорд, неодамна изјавил нешто што веројатно има влијание врз речиси секој. Тој ги истражувал облиците на мачење во денешното, модерно време и открил дека одењето на училиште и на работа пред 10 часот наутро е најчестиот вид мачење од сите.

Според научник од Оксфорд, одењето на училиште и работа пред 10 часот е слично на мачење

Доктор Кели изјавил дека секој од нас има свој „телесен часовник“, познат како циркадиски ритам. Овој телесен часовник е однапред програмиран, така што не може да се промени. Па присилувањето секое утро да се будиме навистина рано за да стигнеме некаде, многу порано пред нашите органи и мозок да бидат подготвени, значи дека се бориме против нашиот внатрешен часовник. Ова, се разбира, има негативни последици врз нашето здравје.

Доктор Кели верува дека недостатокот од сон е интернационален проблем и дека може да биде опасен по нашето здравје. На пример, започнувањето на часовите или работното време пред 10 часот наутро, може да предизвика лишување од сон и емоционален и физички стрес.

Научникот ја тестирал неговата теорија во едно училиште во Велика Британија, кое го поместило почетокот на часовите од 8 и 30, во 10 часот наутро. Тој дошол до заклучок дека по некое време се поправа недостатокот од сон и генералната продуктивност на учениците. Се забележало и подобрување на нивните оценки.

Зошто тогаш продолжуваме да се мачиме?

8-часовното работно време е смислено на почетокот на 20-тиот век, со цел максимално да се искористи продуктивноста на работниците. Но тогаш не бил земен предвид телесниот часовник кој треба да биде усогласен со сончевата светлина, а не со шефовите на работа.

За жал, сè уште се наоѓаме во стариот систем и не размислуваме за тоа што му е потребно на нашето тело. Кога секој би го слушал своето тело и би се будел природно, тогаш неговото работење ќе биде попродуктивно и ќе се чувствува посреќно.

Наводно, утрото треба да го искористиме за себе и за нашиот личен развој. Треба да медитираме, вежбаме, планираме, читаме и да си подготвиме здрав појадок, а не бесмислено да брзаме да стигнеме на училиште или на работа. Овие обврски би требало да започнуваат во 10 часот и да траат до 14 часот попладне.

Кое е вашето мислење за ова? Дали би било подобро работниот ден да ви започнува малку подоцна и да ви трае пократко?

Знаете ли зошто вашиот работен ден треба да биде пократок?

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

  1. Anonymous Reply

    одлична идеја 👍

Остави коментар